इचलकरंजी (प्रतिनिधी) : शिरोळ तालुक्यातील ३३ ग्रामपंचायतींमध्ये निवडणुकीचे रणशिंग फुंकले गेले आहे.  यड्राव ग्रामपंचायतीमध्ये चुरशीची लढत होण्याची शक्यता आहे. गावातील ६ प्रभागासाठी ९४ उमेदवारी अर्ज दाखल करण्यात आले होते. त्यापैकी ४७ उमेदवारांनी आज (सोमवार) माघार घेतली आहे.

४७ पैकी १३ उमेदवार अपक्ष आहेत. या गावामध्ये सत्ताधारी पॅनल व विरोधी पॅनलमध्ये चुरशीची लढत या गावांमध्ये होणार आहे. प्रभाग ३ मध्ये भाजपचे अल्पसंख्याक जिल्हा सरचिटणीस औरंग शेख यांनी उमेदवारी अर्ज दाखल केला आहे. यावरून भाजपमधील गटबाजी दिसून आली. विरोधी पॅनल सत्ता मिळवण्यासाठी कोणती रणनीती अवलंबणार याकडे सर्वांचे लक्ष लागले आहे.