कोल्हापूर (प्रतिनिधी) : शिवाजी विद्यापीठात आज (शनिवारी) भारताच्या माजी पंतप्रधान इंदिरा गांधी यांना जयंतीनिमित्त अभिवादन करण्यात आले.
विद्यापीठाच्या मुख्य प्रशासकीय भवनात सकाळी कुलगुरू डॉ. दिगंबर शिर्के, प्र-कुलगुरू डॉ. प्रमोद पाटील यांच्या हस्ते इंदिरा गांधी यांच्या प्रतिमेस पुष्पहार अर्पण करून अभिवादन करण्यात आले. यावेळी अहिंसा व एकतेची शपथ घेण्यात आली.
प्रभारी कुलसचिव डॉ. विलास शिंदे, परीक्षा व मूल्यमापन मंडळाचे संचालक डॉ. अजितसिंह जाधव, वाणिज्य व व्यवस्थापन विद्याशाखेचे अधिष्ठाता डॉ. श्रीकृष्ण महाजन, तंत्रज्ञान अधिविभागाचे संचालक डॉ. एस.एन. सपली, विद्यार्थी विकास विभागाचे संचालक डॉ. प्रकाश गायकवाड, मराठी अधिविभाग प्रमुख डॉ. नंदकुमार मोरे, समाजशास्त्र विभागाचे माजी प्रमुख डॉ. आर.बी. पाटील यांच्यासह अधिकारी व कर्मचारी उपस्थित होते.
