जि. प. सदस्य हेमंत कोलेकरांच्यावर गुन्हा

गडहिंग्लज (प्रतिनिधी) : जिल्हा परिषद निवडणुकीत शपथपत्रात गुन्ह्याबाबत माहिती लपविल्याप्रकरणी नेसरी जि. प. मतदार संघाचे सदस्य हेमंत कोलेकर यांच्या विरोधात गडहिंग्लज पोलिसात गुन्हा दाखल झाला आहे. नेसरी येथील प्रकाश दळवी यांनी याबाबत निवडणूक आयोगाकडे तक्रार दाखल केली होती. यावर सुनावणी होऊन जिल्हाधिकाऱ्यांच्या आदेशानुसार नायब तहसिलदार अशोक पाटील यांनी गडहिंग्लज पोलिसांत फिर्याद दाखल केली.

याबाबत अधिक माहिती अशी की,  2017 मध्ये झालेल्या जिल्हा परिषद व पंचायत समितीच्या निवडणुकीसाठी हेमंत कोलेकर यांनी नेसरी जिल्हा परिषद मतदार संघातून नामनिर्देशन पत्र दाखल केले होते. त्यासोबतच्या शपथपत्रात त्यांनी त्यांच्यावर प्रथमवर्ग न्यायदंडाधिकारी न्यायालयात रेग्युलर क्रिमिनल केस नंबर 101/2012 नुसार गुन्हा दाखल असलेबाबतची माहिती सादर केली नव्हती. याबाबत प्रकाश दळवी यांनी निवडणूक आयोगाकडे तक्रार दाखल केली होती.  चौकशीत माहिती लपविल्याचे आढळून आल्याने जिल्हाधिकाऱ्यांनी उपविभागीय अधिकाऱ्यांना कारवाईबाबत आदेश दिले.

त्यांच्या आदेशानुसार निवासी नायब तहसीलदार अशोक पाटील यांनी गडहिंग्लज पोलिसात कोलेकर यांच्या विरोधात फिर्याद दिली. सहायक पोलिस निरीक्षक दिनेश काशीद याबाबतचा अधिक तपास करीत आहेत.

Live Marathi News

Recent Posts

‘बिग बॉस’ फेम बेळगावकर अभिनेत्री विवाहबंधनात

बेळगाव (प्रतिनिधी) : बिग बॉस फेम…

29 mins ago

आकुर्डे सरपंचपदी गीता पाटील यांची निवड

कळे (प्रतिनिधी) : पन्हाळा तालुक्यातील आकुर्डे…

35 mins ago

ज्येष्ठ समाजसेवक बाबा आमटे यांची नात डॉ. शीतल आमटे यांची आत्महत्या

चंद्रपूर (प्रतिनिधी) : ज्येष्ठ समाजसेवक स्वर्गीय…

2 hours ago

डिएगो मॅराडोना यांच्या स्मरणार्थ सेक अकॅडमीतर्फे ‘जग्लींग स्पर्धा’

कोल्हापूर (प्रतिनिधी) : अर्जेंटिना संघाचे माजी…

2 hours ago

कोल्हापूर महापालिकेतर्फे छ. ताराराणी यांना आदरांजली

कोल्हापूर (प्रतिनिधी) : कोल्हापुरात महापालिकेच्या वतीने…

2 hours ago