कोल्हापूर (प्रतिनिधी) : कोल्हापूर जिल्ह्यातून क्षयरोगाचे समूळ उच्चाटन करुन 24 मार्च हा दिवस क्षयरोग विजय दिवस म्हणून साजरा होण्यासाठी सर्वजण मिळून प्रयत्न करुया, असे आवाहन जिल्हा परिषदेचे मुख्य कार्यकारी अधिकारी संजयसिंह चव्हाण यांनी केले.
जागतिक क्षयरोग दिनानिमित्त शाहू स्मारक भवन येथील कार्यक्रमात ते बोलत होते. मधुमेह तज्ज्ञ डॉ. चंद्रकांत कणसे, डॉ. सरस्वती कणसे, जिल्हा क्षयरोग अधिकारी डॉ. उषादेवी कुंभार, प्रभारी जिल्हा शल्यचिकित्सक डॉ. एस. बी. थोरात, अतिरिक्त जिल्हा आरोग्य अधिकारी डॉ. संजय राजवीर, शासकीय वैद्यकीय महाविद्यालयाच्या टीबी अँड चेस्ट विभागप्रमुख डॉ. अनिता सैब्बनावार, माहिती अधिकारी वृषाली पाटील, डॉ. मानसी कदम, डॉ. विनायक भोई, डॉ. मोहन पोतदार, दीपा शिपूरकर, डॉ. नितीन कुंभार आदी उपस्थित होते.
2019 च्या पूरपरिस्थितीत डॉ. कणसे यांनी केलेल्या मदतकार्याबद्दल त्यांचा चव्हाण यांच्या हस्ते सन्मानचिन्ह देऊन सपत्नीक गौरव करण्यात आला.
क्षयरोग निर्मूलनात उत्कृष्ट काम करणाऱ्या संस्था : क्षयरोग पथक टी. यु. (तालुका युनिट) राधानगरी- प्रथम, टी. यु. गारगोटी- द्वितीय, टी. यु. गगनबावडा- तृतीय. उत्कृष्ट ग्रामीण रुग्णालय- मलकापूर, उत्कृष्ट प्राथमिक आरोग्य केंद्र- तारळे, क्षयरोग निर्मूलन प्रीमियम लीग विजेता- कोल्हापूर ग्रामीण, उत्कृष्ट खासगी वैद्यकिय व्यावसायिक- कुरडे चिल्ड्रन्स हॉस्पिटल- (जयसिंगपूर, प्रथम), स्वामी समर्थ हॉस्पिटल, (इचलकरंजी द्वितीय), चौधरी हॉस्पिटल, जयसिंगपूर- तृतीय, उत्कृष्ट खासगी औषध विक्रते (व्यावसायिक)- महादेव मेडिकल इचलकरंजी.
क्षयरोग जनजागृतीपर आशा स्वयंसेविका वक्तृत्व स्पर्धा- अनुराधा ढेरे, प्रा.आ.केंद्र कडगाव (ता. भुदरगड)- प्रथम, सीमा शरद पाटील, घालवाड (ता. शिरोळ)- द्वितीय, भाग्यश्री हरीश कांबळे हेर्ले- तृतीय, क्षयरोग जनजागृतीपर आरोग्य कर्मचारी यांच्या म्हणी व घोषवाक्य स्पर्धा : एस. आर. कांबळे (एमपीडब्ल्यू) शिरोली पुलाची- प्रथम, मनीषा शंकर कुंभार (ए.एन.एम.), पुशिरे प्रा.आ.केंद्र पडळ -द्वितीय, संदीप मनोहर सरंजामे (एम.पी.डब्लू.), शेड्शाळ, प्रा.आ.केंद्र. नृसिंहवाडी- तृतीय, समुदाय आरोग्य अधिकारी (सी.एच.ओ.) यांची ‘क्षयरोग जनजागृतीपर पोस्टर स्पर्धा’-२०२३ सपना माने- यळगूड प्रा.आ.केंद्र हुपरी- प्रथम.
डॉ. विनिता जाधव- कसबा बीड, प्रा.आ.केंद्र माळ्याची शिरोली, (द्वितीय), डॉ. निकिता मोहोले- (करंबळी प्रा.आ.केंद्र.-कडगाव, तृतीय), रोहन भावके- वेतवडे प्रा.आ. केंद्र. कळे- तृतीय (विभागून) यांना मान्यवरांच्या हस्ते सन्मानचिन्ह व सन्मानपत्र देऊन गौरविण्यात आले.
मुख्य कार्यकारी अधिकारी चव्हाण म्हणाले, क्षयरुग्णांना मदत करण्यासाठी समाजातील दानशूर व्यक्ती, संस्थांनी निक्षय मित्र बनण्यासाठी पुढे यावे. क्षयरोग लपवून ठेवणे हा सुध्दा एक गुन्हा असून, वेळीच तपासणी करुन मोफत उपचार घ्यावा.
डॉ. चंद्रकांत कणसे यांनी मनोगत व्यक्त केले. जिल्हा क्षयरोग आधिकारी डॉ. उषा कुंभार यांनी २०२२ मध्ये शासकीय १९७७, तर खासगी रुग्णालयात ७२३ असे एकूण २ हजार ९७९ रुग्णांची नोंद झाल्याचे सांगितले. डॉ. अनिता सैबन्नावर यांनी क्षयरोग जनजागृतीपर शपथ दिली. नयना सावंत व ज्ञानदेव सावंत यांनी सूत्रसंचालन केले. डॉ. भोई यांनी आभार मानले.
