शासकीय तंत्रनिकेतनमध्ये शिष्यवृत्तीमध्ये तांत्रिक शिक्षणाची सुविधा : प्राचार्य पट्टलवार

0 13

कोल्हापूर (प्रतिनिधी) : येथील शासकीय तंत्रनिकेतनमध्ये विविध पदविका अभ्यासक्रमांसाठी विद्यार्थ्यांनी प्रवेश घेऊन शैक्षणिक सुविधांबरोबरच शिष्यवृत्तीच्या माध्यमातून आपले भवितव्य उज्ज्वल करावे, असे आवाहन प्राचार्य प्रशांत पट्टलवार यांनी केले. विद्यानगर परिसरातील शासकीय तंत्रनिकेतनमध्ये विविध पदविका अभ्यासक्रम आणि त्यासाची शिष्यवृत्ती यासंबंधी त्यांनी आज (रविवार) अधिक माहिती दिली.

ते म्हणाले की, शासकीय तंत्रनिकेतन, कोल्हापूर ही महाराष्ट्रातील पहिली स्वायत्त संस्था असून कोल्हापूर जिल्ह्रातील तांत्रिक शिक्षण देणारी सर्वात मोठी शासकीय पदविका संस्था आहे. संस्थेमार्फत डॉ. पंजाबराव देखमुख वसतिगृह योजनेअंतर्गत प्रवेश प्रक्रिया राबविणेत येते, तर  दोन सत्रामध्ये तीन वर्षांचे पूर्णकालीन पदविका अभ्यासक्रम राबविण्यात येतात.

प्रथम सत्र : सिव्हिल इंजिनिअरिंग (90 प्रवेशक्षमता), मेकॅनिकल इंजिनिअरिंग (120 प्रवेशक्षमता), इन्फॉरमेशन टेक्नॉलॉजी (60 प्रवेशक्षमता), इंडस्ट्रियल इलेक्ट्रॉनिक्स (60 प्रवेशक्षमता), इलेक्ट्रॉनिक्स अॅण्ड टेलिकम्युनिकेशन (60 प्रवेशक्षमता), इलेक्ट्रीकल इंजिनिअरिंग (60 प्रवेशक्षमता), मेटॅलर्जी इंजिनिअरिंग (40 प्रवेशक्षमता), शुगर टेक्नॉलॉजी (30 प्रवेशक्षमता) आहे. एकूण 520 प्रवेशक्षमता आहे.  

द्वितीय सत्र : सिव्हिल इंजिनिअरिंग (60 प्रवेशक्षमता),  मेकॅनिकल इंजिनिअरिंग (60 प्रवेशक्षमता), इलेक्ट्रॉनिक्स अॅण्ड टेलिकम्युनिकेशन (60 प्रवेशक्षमता), (एकूण 180 प्रवेशक्षमता) आहे.  त्यांनी सांगितले की, वरील प्रवेश क्षमतेव्यतिरिक्त २५ जागा अपंगांकरिता राखीव असून त्याकरिता महाराष्ट्रातील कोणीही अपंग अर्ज करू शकतो. त्याचबरोबर राज्यातील केवळ याच संस्थेमध्ये शुगर टेक्नॉलॉजी हा अभ्यासक्रम राबविणेत येतो. वरील प्रवेश क्षमतेपैकी ५ टक्के प्रवेश क्षमतेवर टूशन फी वेवर स्किममधून विद्यार्थ्यांना प्रवेश देण्यात येतो.

या स्किमअंतर्गत ज्या विद्यार्थ्यांना प्रवेश मिळाला आहे त्यांना पदविका अभ्यासक्रमाकरिताची सहा हजार रुपये ट्यूशन फी माफ करणेत येते. त्याचप्रमाणे शासकीय नियमानुसार संस्थेमध्ये विविध शिष्यवृत्ती राबविण्यात येतात. संपूर्ण प्रवेश प्रक्रिया ही ऑनलाईन पद्धतीने गुणवत्तेनुसार करणेत येते. संस्थेमध्ये मोठ्या प्रमाणात प्लेसमेंट होत असून गत शैक्षणिक वर्षामध्ये बजाज अॅटो, एल अॅण्ड टी कंपनी, जॉन डिअर, पुणे अशा नामांकित कंपन्यांमध्ये संस्थेतील १२६ विद्यार्थ्यांना नोकरी मिळाली आहे.

यावेळी विभागप्रमुख दिलीप लामतुरे, राजय बलवान, प्राध्यापक अशोक देवडे, महादेव कागवाडे व शशांक मांडरे आदी उपस्थित होते.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish.AcceptRead More