विश्वचषक क्रिकेट : पाकिस्तानचा विंडीजकडून धुव्वा

0 31

नॉटिंगहॅम (वृत्तसंस्था) : पाकिस्तानला ७ गडी राखून सहज हरवत वेस्ट इंडीजने विश्वचषक स्पर्धेतील आपल्या विजयी अभियानाला दिमाखात सुरुवात केली आहे. येथील ट्रेंटब्रिज मैदानावर खेळल्या गेलेल्या या सामन्यात पाकिस्तानचे १०६ धावांचे माफक आव्हान वेस्ट इंडीजने केवळ १३.४ षटकांमध्ये पूर्ण केले. केवळ २७ धावांत चार बळी घेणाऱ्या वेस्ट इंडीजच्या ओश्ने थॉमसने सामनावीराचा बहुमान पटकावला.

नाणेफेक जिंकून पहिल्यांदा गोलंदाजी करण्याचा जेसन होल्डरचा निर्णय त्याच्या गोलंदाजांनी सार्थ ठरवला. कोट्रेलने इमाम उल-हकला माघारी धाडत पाकिस्तानला पहिला धक्का दिला. यानंतर पाकिस्तानच्या डावाला गळतीच लागली. विंडिजच्या गोलंदाजांनी उसळत्या चेंडूचा मारा करत पाक फलंदाजांना नाकीनऊ आणले. फखार झमान आणि बाबर आझमने थोडाफार प्रतिकार करण्याचा प्रयत्न केला.

ओश्ने थॉमसने ४, कर्णधार जेसन होल्डरने ३, आंद्रे रसेलने २ आणि शेल्डन कोट्रेलने १ बळी घेत पाकिस्तानचा डाव १०५ धावांत गुंडाळला. पाकिस्तान १०० धावांचा टप्पा ओलांडतो की नाही अशी परिस्थिती निर्माण झाली होती. मात्र अखेरच्या फळीत वहाब रियाझने फटकेबाजी करत १०० धावांचा टप्पा ओलांडून दिला. सलामीवीर ख्रिस गेलने ख्रिस गेलने पाकच्या गोलंदाजांचा समाचार घेत ३४ चेंडूत ६ चौकार आणि ३ षटकारांच्या सहाय्याने ५० धावा केल्या. ख्रिस गेलला निकोलस पूरनने चांगली साथ दिली. पाकिस्तानकडून मोहम्मद आमिरने ३ फलंदाजांना माघारी धाडलं.  

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish.AcceptRead More