मुरगूड पंचक्रोशीतील चार गावांत चोरट्यांचा धुमाकूळ : पाच लाखांचा मुद्देमाल लंपास

0 8

मुरगूड (प्रतिनिधी) : चोरट्यांनी मुरगूड पोलीस ठाण्याच्या हद्दीतील चार गावांमध्ये
शुक्रवार मध्यरात्री धुमाकूळ घालत दागिन्यांसह सुमारे पाच लाखाचा ऐवज लंपास केला. या घटनेने परिसरात खळबळ उडाली आहे. पोलीस ठाण्यापासून ५०० मीटर अंतरावरील कापशी रोड परिसरात चार ठिकाणी तर दौलतवाडी, बेनिक्रे येथे चार ठिकाणी चोऱ्या केल्याचे उघडकीस आले आहे.

मुरगूड शहरातील कापशी रोड येथील श्रीमती संजीवनी केरबा आंगज १० मे रोजी मुलाकडे  सिंगापूरला गेल्या आहेत. चोरटयांनी त्यांच्या घरातून सुमारे दीड तोळे सोने व अन्य ऐवज लांबवला. त्यांच्या समोरच राहणाऱ्या  मोहन घस्ते यांचे रोख ३७००, चांदीची वाटी, वाळेतोडे, मुलांची घडयाळे चोरीस गेली आहेत. प्राथमिक शिक्षक श्री सुतार यांच्या घरी किरकोळ चोरी झाली आहे.  दौलतवाडी येथील  संदीप कुंडलिक बेलकर यांचे घर फोडून रोख २५ हजार, ३ ते ४ हजार रूपयांचे लहान मुलांचे चांदीचे दागिने लंपास झाले. तसेच  राजाराम मुसळे यांच्या किराणा दुकानात किरकोळ चोरी झाली.

बेनिक्रे (ता. कागल) येथे चोरट्यांनी ३१ मे च्या मध्यरात्री राजेंद्र दत्तात्रय पोतदार (वय ४८,  रा. हळदी) यांच्या दीपा ज्वेलर्स दुकानाचा कडीकोयंडा तोडून १ लाख ३१ हजारांच्या सोन्या -चांदीच्या दागिन्यासह रोख रकमेवर  डल्ला मारला. मुरगूड पोलीस ठाण्यात याबाबत फिर्याद नोंदवली असून कोल्हापूरचे डीवायएसपी प्रशांत अमृतकर आणि मुरगूडचे सहाय्यक पोलीस निरीक्षक विठ्ठलराव दराडे यांनी पंचनामा केला. याप्रकरणी पोलीस सब इन्स्पेक्टर किशोर खाडे अधिक तपास करीत आहेत.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish.AcceptRead More