धनुष्यबाणाचे तुकडे तर कमळाबाई महाराष्ट्रात दिसणार नाही : धनंजय मुंडे

0 17

गारगोटी (प्रतिनिधी) : मोदी म्हणजे चौकीदार, उद्धव ठाकरे म्हणजे पहारेकरी… हे दोघेही चोर आहेत. अमित शहा म्हणजे अफजलखान असून त्यांचा अर्ज भरण्यासाठी ठाकरे लाचार होऊन गुजरातला गेले होते. आता निवडणुकीत धनुष्यबाणाचे तुकडे होणार असून कमळाबाई महाराष्ट्रात दिसणार नाही, अशी खरमरीत टीका  विरोधी पक्षनेते धनंजय मुंडे यांनी केली. ते आज (शनिवार) गारगोटी येथे खा. धनंजय महाडिक यांच्या प्रचारसभेत केले.

खा. धनंजय महाडिक म्हणाले की, कोल्हापूर लोकसभा मतदारसंघात आठ हजार कोटीची विकासकामे केली असून जनता मला विजय करील यात शंका नाही. माजी आमदार के. पी. पाटील म्हणाले की, भुदरगड तालुक्यातून दहा हजारांचे मताधिक्य महाडिक यांना देऊ भाजप सरकारने जनतेची दिशाभूल केली आहे.

या सभेत गोकुळचे संचालक धैर्यशील देसाई, प्रा. जालंदर पाटील, एकनाथ जठार, विश्वनाथ कुंभार, मुबारक भाई यांची भाषणे झाली. या वेळी धैर्यशील पाटील, जीवन पाटील, रणजित पाटील, दिनकर कांबळे,  पंडितराव केणे आदी उपस्थित होते. सुनील कांबळे यांनी आभार मानले.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish.AcceptRead More