आता केंद्र सरकारकडून देशभरात आर्थिक सर्वेक्षण !

0 11

नवी दिल्ली (वृत्तसंस्था) : विरोधकांकडून बेरोजगाराच्या मुद्द्यावरून नेहमीच घेरले जात असल्याने मोदी सरकारने त्यांना उत्तर देण्यासाठी एक योजना आखली आहे. त्यानुसार, सरकारकडून देशभरात आर्थिक सर्वेक्षण केले जाणार आहे. या महिन्याच्या शेवटच्या आठवड्यात हे सर्वेक्षण केले जाणार आहे.

देशात प्रथमच आर्थिक सर्वेक्षण करण्याचा निर्णय सरकारने घेतला आहे. यात रस्त्यावर छोटी दुकानं, ठेला चालवणारे तसंच फेरीवाले, पथारीवाले यांचाही सर्वेक्षणात समावेश कऱण्यात येणार आहे. २७ कोटी घरात आणि ७ कोटी आस्थापनात हे आर्थिक सर्वेक्षण होणार आहे. बेरोजगारीच्या मुद्द्यांवर मोदी सरकारवर विरोधकांनी टीका केली होती. मोदी सरकारने असंघटीत क्षेत्रात रोजगार निर्मितीचा दावा केला होता. पण मोदी सरकारकडे याचा आकडा नव्हता. त्यामुळे आता विरोधकांनी केलेल्या टीकेला उत्तर देण्यासाठी मोदी सरकारने घेतलेला हा निर्णय मानला जात आहे. देशात किती रोजगार आहेत, किती जण बिनारोजगार आहेत हे सहा महिन्यात उघड करण्याचा सरकारचा विचार आहे.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish.AcceptRead More