अशी वक्तव्ये चालणार नाहीत : प्रज्ञासिंह ठाकूरचे भाजपनेच उपटले कान !

0 14

नवी दिल्ली (वृत्तसंस्था) : नथुराम गोडसे हा देशभक्त होता, आहे आणि यापुढेही राहील, असे वादग्रस्त विधान करणाऱ्या  भाजपाच्या उमेदवार प्रज्ञासिंह ठाकूर यांचे पक्षाने कान उपटले आहेत. आम्ही या वक्तव्याची निंदा करतो. पक्ष साध्वीला याचे स्पष्टीकरण मागेल, तिला देखील या वक्तव्याबद्दल सार्वजनिकरित्या माफी मागावी लागेल, असे भाजपा प्रवक्ते जीव्हीएल नरसिंह राव यांनी म्हटले आहे.

भोपाळमधून भाजपकडून साध्वी प्रज्ञा या निवडणूक लढवत आहेत. शहीद हेमंत करकरे यांच्याबाबत केलेल्या वादग्रस्त विधानानंतर वाद निर्माण झाला होता. तो वाद शमत असतानाच साध्वी प्रज्ञासिंह ठाकूर यांनी पुन्हा नथुराम गोडसेला देशभक्त म्हणून नव्या वादाला सुरूवात करून दिली. साध्वी प्रज्ञासिंह ठाकूरने नथुरामबद्दल केलेल्या या वक्तव्यामुळे राजकीय पक्षांकडून भाजपावर टीका होऊ लागल्यानंतर भाजपा प्रवक्ते नरसिंहराव यांनी त्यांना इशारा दिला आहे. नथुराम गोडसेबद्दल प्रज्ञासिंह ठाकूरने केलेले विधान चुकीचे आहे. त्यांनी माफी मागितलीच पाहिजे, असे त्यांनी म्हटले आहे.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish.AcceptRead More