पंढरपूर/प्रतिनिधी
महाराष्ट्र राज्य पुणे द्वारा जिल्हा क्रीडा अधिकारी सोलापूर तालुका क्रीडा अधिकारी पंढरपूर व विठ्ठल प्रशाला व कला विज्ञान कनिष्ठ महाविद्यालय वेणूनगर, गुरसाळे ता पंढरपूर यांच्या संयुक्त विद्यमानाने पुणे विभागीय मुला मुलींची कुस्ती स्पर्धा नुकतीच पार पडली. सदर स्पर्धेचे उद्घाटन खासदार रणजीतसिंह नाईकनिंबाळकर अध्यक्षस्थानी माजी आमदार नारायण पाटील होते.
या स्पर्धेचा समारोप, प्रशाला कमिटीचे अध्यक्ष अभिजीत पाटील, महादेव कसगावडे, उपसंचालक क्रीडा व युवक संचालनालय नितीन तारळकर, जिल्हा क्रीडा अधिकारी सत्येन जाधव, तालुक क्रीडाधिकारी गणेश पवार, उपाध्यक्ष प्रेमलता रोंगे, कार्यकारी अधिकारी डी.आर. गायकवाड, प्राचार्य डॉ. बी. पी. रोंगे, महाराष्ट्र केसरी पै. छोटा मगर, पै. रावसाहेब मगर, उपमहाराष्ट्र केसरी भरत मेकाले उपस्थित होते.
यश मिळविण्यासाठी प्रामाणिकपणा कष्ट महत्वाचे असल्याचे खासदार रणजितसिंह नाईकनिंबाळकर यांनी बोलताना सांगितले. यावेळी पै.करतारसिंग व पै.खाशाबा जाधव यांची उदाहरणे खासदार नाईकनिंबाळकर यांनी बोलताना दिली. स्पर्धेच्या युगात खेळाडूंना आॅल्मपिंक पर्यंत पाठवायचे असेल तर त्यांना चांगल्या शिक्षणाबरोबर आर्थिक मदत करणेही गरजेचे असल्याचे प्रतिपादन माजी आमदार नारायण पाटील . उद्घाटन संमारोपी वेळी केले.
पुणे, पिंपरीचिंचवड, अहमदनगर, शहर, ग्रामीण भागातून आलेल्या नामवंत 480 पैलवानानी रोमहर्षक कुस्त्या करून डोळ्याचे पारणे फेडले. ट्राफी, सन्मानचिन्ह, रोख रक्कमेचे बक्षिसे देऊन मल्लांना सन्मानित करण्यात आले.
याप्रसंगी विद्यमान सर्व संचालक मंडळ, माजी संचालक बिभिषण पवार, सोमनाथ सुर्वे, शेखर भोसले, नागेश यादव, सरपंच डाॅ. अमृता रणदिवे,सरपंच अमरजीत पवार सह अनेक मान्यवर उपस्थित होते. कार्यक्रमाच्या यशस्वीतेसाठी प्राचार्य व्ही. जी. नागटिळक, सह सर्व शिक्षक शिक्षकेतर कर्मचा-यांनी परिश्रम घेतले. समालोचन राजू देवकाते, प्रमोद माळी यांनी केले.
