कागल (प्रतिनिधी) : कागल, गडहिंग्लज, उत्तुर विधानसभा मतदारसंघातील राष्ट्रवादी काँग्रेस पार्टीच्या नवनिर्वाचित सरपंच व ग्रामपंचायत सदस्यांचा जाहीर सत्कार आ. हसन मुश्रीफ यांच्या हस्ते उद्या कागलमध्ये गहिनीनाथ गैबीपीर नगरमधील इंदुमती लॉनवर दुपारी तीन वाजता हा कार्यक्रम होणार आहे. राष्ट्रवादीचे सर्व नवनिर्वाचित सरपंच व सदस्यांचा सत्कार यावेळी होणार आहे.
कागल गणेश उत्सव विधानसभा मतदारसंघात ४६ गावांच्या निवडणुका लागल्या होत्या. त्यापैकी २२ गावांमध्ये राष्ट्रवादीचे सरपंच झाले आहेत. तर सदस्य पदांच्या ४३२ जागांची निवडणूक झाली. तसेच यावेळी राष्ट्रवादीच्या निवडून आलेल्या सदस्यांची संख्याही २०७ इतकी आहे.
या कार्यक्रमासाठी गोकुळ दूध संघाचे संचालक युवराज पाटील, मुरगूडचे माजी नगराध्यक्ष प्रवीणसिंह पाटील, केडीसीसी बँकेचे संचालक प्रताप माने, बिद्री साखर कारखान्याचे संचालक गणपतराव फराकटे, गोकुळ दूध संघाचे संचालक नवीद मुश्रीफ, जिल्हा परिषद सदस्य शिल्पाताई शशिकांत खोत, माजी जिल्हा परिषद सदस्य वसंतराव धुरे, माजी जिल्हा परिषद सदस्य काशिनाथ तेली, माजी जिल्हा परिषद उपाध्यक्ष सतीश पाटील-गिजवणेकर आदी प्रमुखांच्या उपस्थितीत हा कार्यक्रम होणार आहे.
