कपिलेश्वर (प्रतिनिधी) : राधानगरी पंचायत समिती शिक्षण विभागा मार्फत घेण्यात आलेल्या तालुकास्तरीय सांस्कृतिक स्पर्धेमध्ये विद्या मंदिर शाळेच्या विद्यार्थ्यांनी समूह नृत्यांमध्ये प्रथम क्रमांक व समूहगीतामध्ये द्वितीय क्रमांक पटकावला.

या यशस्वी विद्यार्थ्यांचे सर्व स्तरातून कौतुक होत आहे. या विद्यार्थ्यांना शाळेचे मुख्याध्यापक दिलीप चव्हाण, केंद्रप्रमुख व.पु. कांबळे, विस्तार अधिकारी अशोक पाटील, गटशिक्षणाधिकारी बी एम कासार, व्यवस्थापन कमिटी पालक यांचे मार्गदर्शन लाभले.