Breaking News

 

 

कॉ. पानसरे हत्याप्रकरणी शरद कळसकरला अटक…

कोल्हापूर (प्रतिनिधी) :  ज्येष्ठ विचारवंत डॉ.एस.एम.कलबुर्गी हत्याप्रकरणात कर्नाटक राज्यातील एसआयटीच्या ताब्यात असलेल्या शरद कळसकर याला कॉ. गोविंदराव पानसरे हत्येतील पिस्तुल नष्ट केल्याप्रकरणी कोल्हापुरातील विशेष पोलीस पथकाने आज (मंगळवार)  अटक केली. सह दिवाणी न्यायाधीश (कनिष्ठ स्तर) श्रीमती एस्.एस्. राऊळ यांनी कळसकर याला १८ जूनअखेर पोलीस कोठडी सुनावली.

पुरोगामी विचारवंतांच्या महाराष्ट्र-कर्नाटक राज्यात झालेल्या हत्यांचा तपास एसआयटी महाराष्ट्र, कर्नाटक तसेच सीबीआयमार्फत स्वतंत्रपणे सुरू आहे. यामध्ये काहीजणांना अटक केली आहे. त्यांच्याकडून चौकशीत मिळालेल्या माहितीच्या आधारे गुन्ह्यात सहभागी संशयीतांची नावे आणि केलेला गुन्हा याबाबत माहिती पुढे येत आहे.

याबाबत शरद कळसकर यांच्याकडे कर्नाटक पोलीस चौकशी करीत असता कळसकर यानेच कॉ. गोविंद पानसरे हत्येचा गुन्ह्यात वापरलेले पिस्तुल नष्ट केल्याची माहिती पुढे आली आहे. यावरून कोल्हापूरातील विशेष पोलीस पथकाने कळसकर याला बंगलोर येथून ताब्यात घेतले. पोलीसांनी अतिशय गोपनियता राखून त्याला कोल्हापूर येथे आणून अटकेची प्रक्रिया पूर्ण करत त्याला न्यायालयात हजर केले. सह दिवाणी न्यायाधिश कनिष्ठस्तर एस.एस.राऊळ यांच्या समोर झालेल्या सुनावणीत कळसकर याच्यावतीने अॅड. संजय धर्माधिकारी यांनी बाजू मांडली. तर सरकारी पक्षाच्या वतीने अॅड. शिवाजीराव राणे यांनी युक्तिवाद केला.   

339 total views, 3 views today

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा