Breaking News

 

 

दहावीत तो ‘पास’ झाला, मात्र… : कोल्हापूरच्या ‘प्रणव’ची दुर्दैवी दास्तान !

कोल्हापूर (प्रतिनिधी) : दहावी परीक्षेत नापास होण्याच्या भीतीने कोल्हापूर शहरातील आर. के. नगरात राहणाऱ्या प्रणव सुनील जरग या विद्यार्थ्याने निकालाच्या दोनच दिवसांपूर्वी आत्महत्या केली होती, मात्र प्रत्यक्षात तो दहावी उत्तीर्ण झाल्याचा प्रकार समोर आला आहे. नियतीच्या या क्रूर खेळाने जरग कुटुंबीय मात्र सैरभैर झाले आहे.

आर. के. नगरात राहणारे सुनील जरग हे बांधकाम व्यावसायिक. त्यांचा मुलगा प्रणव हा आर. के. नगर येथील प्रसिद्ध खडीच्या गणपती मंदिरासमोर असलेल्या देशभक्त रत्नाप्पाण्णा कुंभार विद्यालयात शिकत होता. दहावीचे पेपर अवघड गेल्याने त्याला नापास होण्याची भीती सतावत होती. मी इंग्रजीत नापास होणार असे तो वारंवार आईवडील आणि मित्रांना सांगत होता. ‘पुन्हा एकदा प्रयत्न कर’, असे सांगत आईवडिलांनी त्याची समजूतही काढली होती. मात्र त्याचे नैराश्य काही कमी झाले नव्हते. यातूनच त्याने घरी गुरुवार दि. ६ रोजी संध्याकाळी गळफास लावून आत्महत्या केली.

आज दहावीचा निकाल जाहीर झाला. प्रणव ४२ टक्के गुण मिळवून पास झाला. त्याच्या मित्रांनी याबाबत त्याच्या आईवडिलांना सांगितले. तो दहावी उत्तीर्ण झाला असला, तरी हा ‘आनंद’ साजरा करायचा कसा, हा प्रश्न त्याच्या आई वडिलांना पडला आहे.

513 total views, 6 views today

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा

गुन्हे