मुंबई (प्रतिनिधी) : कंगना रनौत ही नेहमी आपल्या वक्तव्यामूळे चर्चेत असते. कधी ती कुणाला झाडते, कौतुकाचा वर्षाव करते. आता तर तिने स्वत:ची तुलना चक्क भारतरत्न लता मंगेशकर यांच्याशीच केली आहे.
कंगना रनौतने नुकताच इंस्टाग्रामवर एक व्हिडिओ शेअर केला आहे. ज्यामध्ये गायिका आशा भोसले दिवंगत गायिका लता मंगेशकर यांच्याबद्दल बोलत आहेत. व्हिडीओमध्ये आशा भोसले सांगत आहेत की, लता मंगेशकर कधीही लग्नसमारंभात गायच्या नाहीत. त्यांना कितीही पैसे देऊ केले तरी त्या लग्नात कधीच गायच्या नाहीत. हा व्हिडिओ शेअर करताना कंगना राणौतने सांगितले की, ती देखील असेच करते.
शेअर केलेल्या या व्हिडिओ मध्ये ती डान्स इंडिया डान्स लिटील मास्टरच्या स्टेजवरचा आहे. ज्यामध्ये आशा भोसले सहभागी झाल्या होत्या. लतादीदींनी एकदा लग्नात दोन तासांच्या परफॉर्मन्ससाठी एक मिलियन डॉलर्सची ऑफर त्यांनी कशी नाकारली हे त्यांनी सांगितले. या घटनेची आठवण करून देताना आशा भोसले म्हणाल्या, ‘तिला ५ मिलियन डॉलर्सची ऑफरही आली होती, ही ऑफरदेखील ती नाकारायची. ते कलाकारामध्ये असले पाहिजे. यावर कंगनाने आपणही असेच करत असल्याचे सांगितले.
