Breaking News

 

 

लाच प्रकरणातील आरोपी सुटणार नाहीत : सुषमा चव्हाण

कोल्हापूर (प्रतिनिधी) : लाचलुचपत प्रतिबंधक खात्यामार्फत केलेल्या कारवाईतील जुन्या केसेस तपासून त्यामध्ये राहिलेल्या त्रुटी नवीन गुन्ह्यांमध्ये राहणार नाहीत. याची योग्य काळजी यापुढे घेतली जाईल, आणि त्यामुळे आरोपी सुटणार नाहीत. लाचेची मागणी करणाऱ्यांच्या विरोधात न घाबरता तक्रार द्यावी. अथवा फोनवरही संपर्क साधण्याचे आवाहन अपर पोलीस अधीक्षक सुषमा चव्हाण यांनी आज (शुक्रवार)  केले.

लाचलुचपत प्रतिबंधक विभाग, पुणे परिक्षेत्राच्या अप्पर पोलीस अधिक्षक श्रीमती सुषमा चव्हाण यांनी पदाचा नुकताच कार्यभार स्विकारला. यामध्ये कोल्हापूर, सांगली आणि सातारा या जिल्ह्यांचा समावेश आहे.   त्यांनी कोल्हापुरात येऊन पत्रकार परिषद घेतली.

यावेळी चव्हाण म्हणाल्या की, अनेक सरकारी कार्यालयात लाचेची मागणी केली जाते. कोल्हापूर, सांगली आणि साताऱ्यामधील सर्व लोकांनी पुढे येऊन लाचेची मागणी करणाऱ्या लोकांच्या विरोधात तक्रार करावी. नागरीकांनी फोनवरही संपर्क साधल्यास लाचलुचपत प्रतिबंधक कार्यालयाचे पथक जागेवर जाऊन लाच घेणाऱ्यांवर कारवाई करेल.

कोल्हापूर जिल्ह्यात गेल्या ५ वर्षांत  आज अखेर ११२ गुन्हे दाखल केले आहेत. त्यामध्ये १६२ आरोपी पकडले गेले आहेत. खात्याच्या कारवाईमध्ये पुणे विभागात  कोल्हापूर जिल्हा आघाडीवर आहे.

यावेळी लाचलुचपतचे कोल्हापूर जिल्ह्याचे उपअधीक्षक गिरीष गोडे उपस्थित होते.

132 total views, 6 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे