पंढरपूर (प्रतिनिधी) फुलचिंचोली, ता. पंढरपूर येथील पाटीलवस्ती जिल्हा परिषद प्राथमिक शाळा येथे राष्ट्रसंत गाडगेबाबा महाराज यांच्या पुण्यतिथीनिमित्त सिद्धेश्वर भीमराव काळे यांच्या हस्ते प्रतिमा पूजन करून त्यांना अभिवादन करण्यात आले.
विद्यार्थ्यांना खाऊ वाटप भाऊसाहेब गोरख काळे यांच्या हस्ते व मुख्याध्यापक जाधव यांच्या अध्यक्षतेखाली करण्यात आले. जगताप यांनी विद्यार्थ्यांना राष्ट्रसंत गाडगेबाबा महाराज यांच्या कार्याबाबत मार्गदर्शन केले. विद्यार्थ्यांनी राष्ट्रसंत गाडगेबाबा यांनी जनतेला परिवर्तन प्रबोधन, स्वच्छता, अंधश्रद्धा निर्मूलन, जुन्या चाली,रितीरिवाज,शिक्षण अशा अनेक जनकल्याण गोष्टी स्वकार्यातून केल्याचे सांगितले. कार्यक्रमाचे नियोजन मुंढे यांनी केले. परीट(धोबी) सेवा मंडळाचे युवा समाज सेवक श्रीकांत दत्तात्रय क्षीरसागर, सर्व शिक्षक, विद्यार्थी आदी उपस्थित होते.
