पंढरपूर (प्रतिनिधी) : पंढरपूर तालुक्यातील ११ ग्रामपंचायतीचे निकाल लागले असून, ७ ग्रामपंचायतीवर राष्ट्रवादी काँग्रेस पक्षाचे, तर ४ ग्रामपंचायतीवर भाजपा पुरस्कृतचे वर्चस्व राहिले आहे.
मेंढापूर, तुंंगत या मोठ्या ग्रामपंचायतीवर राष्ट्रवादी काँग्रेस पक्षाने सत्ता हस्तगत केली आहे. मात्र भीमा साखर कारखान्याच्या कुशीत असलेल्या व भीमाचे संचालक असलेले सिद्राम मदने यांच्या ग्रामपंचायतीच्या निवडणुकीत खासदार धनंजय महाडिक यांच्या गटाचा पराभव झाला आहे.
अजोती- भारती पवार, टाकळी पुनर्वसन- गिरीजा वाकसे, नेमतवाडी- स्वाती पाटील, पुळूजवाडी-रेश्मा व्हनकळस, खरातवाडी – नागनाथ देवकते (समविचारी आघाडी), बार्डी- उमेश खंदारे, तुगंत- डाॅ. अमृता रणदिवे, मेंढापूर-विनोद पाटोळे, खेडभोसे- सुरेख संजय देवळे, (विठ्ठल परिवार) हे सरपंचपदासाठी निवडून आले आहेत.
