Breaking News

 

 

स्वच्छता ही चळवळ बनणे गरजेचे : एम. एस. कलशेट्टी

टोप (प्रतिनिधी) : कोल्हापूर शहराबरोबरच ग्रामीण भाग आणि औद्योगिक वसाहतीही स्वच्छ राहणे आरोग्याच्या दृष्टीने महत्वाची आहे. त्यासाठी स्वच्छता ही चळवळ बनली पाहिजे. नियमित जनजागृती बरोबरच महिन्यातून अथवा पंधरा दिवसातून एक दिवस सर्वांनी स्वच्छतेसाठी द्यावा असे प्रतिपादन महापालिका आयुक्त मल्लिनाथ कलशेट्टी यांनी केले. ते शिरोली औद्योगिक वसाहतीमध्ये राबविण्यात आलेल्या स्वच्छता मोहिमेवेळी बोलत होते.

मंगळवारी सकाळी ८ ते १० या वेळेत शिरोली औद्योगिक वसाहतीमध्ये सर्व छोट्या मोठ्या कंपन्यांच्या कर्मचार्यासह उद्योजकांनी उपस्थित राहून स्वच्छता मोहीम राबविली. या मोहिमेची सुरुवात श्रीराम फौंड्री चौकातून करण्यात आली. यावेळी प्रादेशिक अधिकारी, महाराष्ट्र प्रदुषण मंडळ, महाराष्ट्र प्रादेशिक अधिकारी व कार्यकारी अभियंता, एमआयडीसी उपस्थित होते

औद्योगिक वसाहतीमध्ये अनेक ठिकाणी अस्वच्छ परिसर असल्याने कामगार कर्मचारी यांचे आरोग्य धोक्यात असल्याने त्यांचे आरोग्य निरोगी राहण्यासाठी कंपनी परिसर नेहमी स्वच्छता ठेवली पाहिजे म्हणून महाराष्ट्र शासनाच्या स्वच्छता अभियान उपक्रम हा नाविन्यपूर्ण आहे ” असे मत स्मॅकचे अध्यक्ष राजू पाटील यांनी व्यक्त केले.

या मोहिमेत शिरोली औद्योगिक वसाहतीमधील अनेक नामवंत उद्योजकांनी स्वच्छता अभियान राबविण्यासाठी स्वत: सहभाग घेतला. यावेळी एम. वाय. पाटील, नरेंद्र झंवर, भिमराव खाडे, बदाम पाटील, टी. एस. घाडगे, पी. गोपीकृष्ण, एमआयडीसीचे अधिकारी काकडे,  निलेश जाधव यांचेसह उद्योजक, कर्मचारी उपस्थित होते. एसबी रिशेलर्स, मयुरा स्टील, नँट फौंड्री, केस्प्रो मेटल, साऊंड कास्टींग, सरोज फौंड्री, मेनन पिस्टन, रॉकेट इंजि., मंञी मेटॅलिक, हिंद गिअर यासह मोहीम राबवली.

306 total views, 3 views today

Leave a Reply

Your email address will not be published. Required fields are marked *

अर्थ - उद्योग

 

क्रीडा