Breaking News

 

 

उशिरा का होईना, पाकिस्तानला सुचले शहाणपण…

नवी दिल्ली (वृत्तसंस्था) : पाकिस्तानने आपल्या हवाई क्षेत्रात भारतीय विमानांच्या प्रवेशावर घातलेली बंदी उठवली आहे. सोमवारी रात्री इंडिगोचे दुबई-दिल्ली विमान पाकिस्तानच्या हवाई क्षेत्रातून भारतात दाखल झाले. पाकिस्तानने रविवारी संध्याकाळी अहमदाबादजवळील टेलेम एन्ट्री पॉईंट सुरू केला होता.  त्यामुळे उशिरा का होईना पाकिस्तानला शहाणपण सुचले, अशी प्रतिक्रिया व्यक्त होत आहे.

इंडिगोच्या अधिकाऱ्यांनी सांगितले की, आम्हाला रात्री उशिरा फोन आला होता. त्यावेळी, ‘आपण आतापर्यंत जागे आहात का, मी विमानाचे मॉनिटरिंग करत असून विमान लँड झाले आहे. आम्ही आपल्याला शब्द दिला होता. ईद मुबारक.” असा संवाद साधत पाकिस्तानच्या नागरी हवाई उड्डाण प्राधिकरणाच्या संचालकांनी ही माहिती दिली असल्याचे इंडिगोच्या अधिकाऱ्यांनी सांगितले. 

भारतीय हवाई दलाने बालाकोटमध्ये दहशतवाद्यांच्या ठिकाणांवर हवाई केले होते. त्यानंतर २७ फेब्रुवारीपासून भारतीय विमानांचे पाकिस्तानमधील ११ एन्ट्री पॉईंट्सना बंद करण्यात आले होते. या बंदीमुळे दिल्लीसह दक्षिण आशिया व पाश्चिमात्य देशांच्या विमानांना इतर लांबच्या मार्गांचा वापर करावा लागत होता.

पहिला लँड पॉईंट रविवारी टेलेममध्ये सुरू करण्यात आला. त्यानंतर काही वेळेनंतर एतिहादचे अबूधाबी-दिल्ली विमान पाकिस्तान मार्गे भारतात आले. त्यानंतर इंडिगो या भारतीय विमानाने पाकिस्तान मार्गे दिल्लीत लँडिंग केले. पाकिस्तानने केलेल्या सूचनेनुसार, टेलेम एन्ट्री पॉईंटचा वापर करण्याआधी एका विमानाची चाचणी उड्डाण करण्यात यावे. त्यानुसार, दुबई-दिल्ली विमान या पॉईंट मार्गे भारतात दाखल झाले.

726 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा