जिल्हा परिषदेच्या सर्वसाधारण सभेत ५६ कोटींचा अर्थसंकल्प सादर

0 1

कोल्हापूर (प्रतिनिधी) : एप्रिलमध्ये लोकसभा निवडणूक पार पडली. त्यापूर्वी आचारसंहिता लागू झाली होती. आचारसंहिता लागू होण्यापूर्वी विविध विकासकामे आणि योजनांवर मोठा खर्च करण्यात आला होता. मात्र २०१८-१९ या आर्थिक वर्षातील १८ कोटी ७१ लाखांचा निधी शिल्लक राहिला होता. यामध्ये वाढ करून २०१९ -२० चा सुधारित ५६ कोटी ५४ लाखाचा अर्थसंकल्प आज (मंगळवार) जिल्हा परिषदेच्या सभागृहात अर्थ व शिक्षण सभापती अंबरीष घाटगे यांनी सादर केला.

घाटगे यांनी सुधारित अर्थसंकल्पाचे सभागृहासमोर वाचन केले. घाटगे यांनी सांगितले की, समाजकल्याण विभागासाठी ४,०५,४१,२०७ रु., अपंग कल्याण विभागासाठी १,६२, ६१, ८०५ रु., महिला व बालकल्याणसाठी १,२९,१३,२३६ रु., ग्रामपंचायत विभाग / पाणी व स्वच्छता विभागासाठी ६, ०८, ५७, रकमेची तरतूद करण्यात आली आहे. मागील आर्थिक वर्षात वैयक्तिक लाभाच्या योजनेत लाभार्थी निवड झाली खरेदी प्रक्रिया झाली परंतु आचारसंहितेच्या कारणामुळे त्या लाभार्थ्यांना त्यांचे खात्यावर अनुदान वर्ग करण्यात आले नाही अशा सर्व लाभार्थ्यांना पशुसंवर्धन व कृषी विभागासाठी ८४, २६, ३६९ रकमेची तरतूद करण्यात आली आहे. शिक्षण विभागसाठी ३० लाख, पाणीपुरवठा विभागासाठी ५०,६९,५५३ पाटबंधारे ३२,९३,४२३ बांधकाम विभागासाठी ४३ लाख, भाऊसिंगजी रोडवरील बांधकामासाठी दोन कोटी रुपयांची तरतूद करण्यात आली आहे.

अशा प्रकारे एकूण ५५, ५४, १०, ५९३ इतक्या रकमेची तरतूद असलेल्या अर्थसंकल्पास चर्चेअंती सदस्यांनी मंजुरी दिली. यावेळी जि. प. अध्यक्षा शौमिका महाडिक, उपाध्यक्ष सर्जेराव पाटील, बांधकाम सभापती सर्जेराव पाटील-पेरीडकर, समाजकल्याण सभापती विशांत महापुरे, महिला व बालकल्याण सभापती वंदना मगदूम, मुख्य कार्यकारी अधिकारी अमन मित्तल तसेच सर्व अधिकारी व सदस्य उपस्थित होते.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More