कोल्हापूर (प्रतिनिधी) : महापालिका व गार्डन क्लब कोल्हापूर यांच्या संयुक्त विद्यमाने दि. १७ व १८ डिसेंबर रोजी महावीर उद्यानामध्ये भव्य पुष्प प्रदर्शनाचे आयोजन करण्यात आले आहे. पश्चिम महाराष्ट्रमध्ये आगळे वेगळे असणाऱ्या गार्डन क्लबच्या या पुष्पप्रदर्शनाची उत्कंठा अनेक निसर्गप्रेमींना लागलेली असते.
कोरोनाच्या निर्बंधामुळे मागील दोन वर्ष गार्डन क्लबचे पुष्पप्रदर्शन मर्यादित स्वरूपात झाले होते. चालू वर्षी गार्डन क्लबचे ५२ वे पुष्प प्रदर्शन आहे. यानिमित्त पुष्प प्रदर्शनाबरोबरच अनेक स्पर्धांचे आयोजन केलेले आहे. त्यामध्ये गुलाब आणि विविध प्रकारची फुले पुष्परचना कुंडीतील रोपे, फुले, पाने व पाकळ्यांची रांगोळी, बुके डेकोरेशन, बोनसाय, मुक्त रचना, लँडस्केपिंग इत्यादींच्या स्पर्धांचे आयोजन केले आहे.
