Breaking News

 

 

प्रगत चार देशांमध्ये बंद पडले गुगल !

नवी दिल्ली (वृत्तसंस्था) : अमेरिकेसह ब्रिटन, कॅनडा आणि ऑस्ट्रेलियामध्ये सुमारे चार तास गुगलच्या सेवा बंद पडल्या. मागील दहा वर्षांत पहिल्यांदाच अमेरिकेत ही समस्या उद्भवली. एकाचवेळी अनेक युजर्सकडून इंटरनेटचा वापर होत असल्याने हा ब्लॅकआऊट झाल्याचं सांगितलं जात आहे. मात्र, भारतासह अन्य कोणत्याही आशियाई देशात ही समस्या उद्भवलेली नाही. जवळपास चार तासांनंतर सेवा सुरळीत झाल्याचे वृत्त आहे.

भारतीय प्रमाणवेळेनुसार आज (सोमवार) सकाळपासूनच फेसबुक, ट्विटर आणि इंस्टाग्राम यांसारख्या इंटरनेट सेवा डाऊन झाल्या होत्या. गुगल डाऊन झाल्याच्या अनेक तक्रारी आल्यानंतर, ‘पूर्व अमेरिकेत मोठ्या प्रमाणात नेटवर्कच्या अडचणींचा सामना करावा लागत आहे. याचा परिणाम गुगल क्लाउड, स्नॅपचॅट, जीमेल, जी सूट आणि युट्यूब यांसारख्या सेवांवर झाला. सेवा वापरताना अॅपचा वेग अत्यंत मंदावणे किंवा अचानक एरर येणे अशाप्रकारच्या तक्रारी युजर्सकडून येत आहेत. यावर तोडगा शोधण्यात आला असून लवकरच सेवा सुरळीत होईल’ असं गुगलकडून सांगण्यात आलं होतं.

त्यानंतर जवळपास चार तासांनंतर ही समस्या सोडवत गुगलने, ‘पूर्व अमेरिकेतील नेटवर्कची समस्या सोडवण्यात आली आहे. पुन्हा ही अडचण होऊ नये यासाठी आवश्यक पावलं उचलण्यात येत आहेत. सेवा बंद असल्यामुळे झालेल्या त्रासाबद्दल आम्ही ग्राहकांची माफी मागतो, असेही म्हटले आहे.

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा