कोल्हापूर (प्रतिनिधी) : चित्रनगरी परिसरात कंदलगाव रोडवर भारती विद्यापीठाजवळील वंडरला लॉजिंग अँड रेस्टॉरंटवर सुरू असलेल्या बेकायदेशीर वेश्या व्यवसायावर स्थानिक गुन्हे अन्वेषण शाखा आणि अनैतिक मानवी वाहतूक नियंत्रण कक्षाने छापा टाकून २ संशयित आरोपींना अटक करण्यात आली, तर एका पीडित महिलेची सुटका करण्यात आली आहे.
महेश अमृत जाधव (रा. नेर्ली ता. करवीर) आणि अमोल तानाजी माने (रा. शिवाजी पेठ) अशी अटक करण्यात आलेल्या संशयितांची नावे आहेत. त्यांच्याकडून ६९ हजार २६० रुपयांचा मुद्देमाल जप्त करण्यात आला आहे. ही कारवाई पोलीस निरीक्षक संजय गोर्ले यांच्या मार्गदर्शनाखाली सहायक पोलीस निरीक्षक श्रद्धा आंबले, पोलीस उपनिरीक्षक पल्लवी चव्हाण, सहायक फौजदार राजेंद्र घारगे, रवींद्र गायकवाड, हे. कॉ. किशोर सूर्यवंशी, मीनाक्षी पाटील, अभिजित घाटगे, तृप्ती सोरटे, शुभांगी कांबी यांनी केली.
