टोप (प्रतिनिधी) : टोप गावात गेल्या पाच वर्षांत केलेली विविध विकासकामे पाहता यावेळी टोप विकास पॅनेलचे सरपंचासह १७ सदस्य निवडून येतील, अशी आशा टोप विकास पॅनेलचे पार्टीप्रमुख उद्योजक धनाजी पाटील यांनी व्यक्त केली आहे.
टोप विकास पॅनेलने गेल्या पाच वर्षांत गावात अनेक ठिकाणी सिमेंटचे रस्ते, गटर्स, पाण्याची सोय, पेव्हिंग ब्लॉकसह विविध प्रकारची लाखो रुपयाची विकासकामे केली आहेत. तसेच गावातील अनेक गरजूंना वैयक्तिक पातळीवर योजनांचे लाभ मिळवून दिले आहेत. यामुळे टोप गावातील जनता आता टोप विकास पॅनेलच्या मागे खंबीरपणे उभी असून, टोप विकास पॅनेलचाच विजय होऊन ग्रामपंचायतीवर आमची सत्ता येईल, यात तीळमात्र शंका नाही, असे पाटील यांनी सांगितले.
