जळगाव : जळगाव जिल्हा दूध संघाच्या निवडणुकीत एकनाथ खड्सेंचा पत्नी मंदाकिनी खडसे यांचा पराभव झाला. त्यावरुन मंत्री गुलाबराव पाटील म्हणाले की, एकनाथ खडसे तुम्ही राष्ट्रवादी संपवायला निघालात. शरद पवारांनी तुम्हाला दिलेली एमएलसी पण वापस घेतली पाहिजे. एकनाथ खडसे यांची ताकद कमी करण्यामध्ये त्यांचा स्वतःचा हात आहे. जिल्ह्यातील अर्धी राष्ट्रवादी एकनाथ खडसेंबरोबर नाही.
जिल्हा दूध संघाच्या निवडणुकीत मुक्ताईनगर इथे एकनाथ खडसे यांच्या पत्नी मंदाकिनी खडसे आणि भाजपचे आ. मंगेश चव्हाण यांच्या लढतीकडे संपूर्ण राज्याचे लक्ष लागले होते. अखेरीस या निवडणुकीमध्ये एकनाथ खडसे यांना पराभवाचा सामना करावा लागला. यानंतर एकनाथ खडसेंवर मंत्री गुलाबराव पाटील यांनी टीका केली आहे.
