Breaking News

 

 

पुढील महिनाभर काँग्रेस प्रवक्त्यांचे ‘हाताची घडी, तोंडावर बोट !’

नवी दिल्ली (वृत्तसंस्था) : लोकसभा निवडणुकीत काँग्रेसचा दारुण पराभव झाला. या पराभवानंतर काँग्रेसअंतर्गत अनेक घडामोडी घडताहेत. राहुल गांधींंनी राष्ट्रीय अध्यक्षपदाचा राजीनामा दिल्यावर विविध राज्यांच्या अध्यक्षांनीही आपल्या पदाचा राजीनामा दिला आहे. तर पुढील संपूर्ण महिनाभर देशभरातील विविध भाषांतील वृत्तवाहिन्यांवरील ‘डिबेट शो’मध्ये कोणताही प्रवक्ता सामील होणार नाही, असे काँग्रेस नेते आणि मुख्य राष्ट्रीय प्रवक्ते रणदीप सुरजेवाला यांनी ट्वीटरवरून जाहीर केले आहे. त्यामुळे महिनाभर प्रवक्त्यांची अवस्था ‘हाताची घडी तोंडावर बोट’ अशी होणार आहे.

लोकसभा निवडणुकीत झालेल्या दारुण पराभवानंतर काँग्रेस पक्षात गोंधळ सुरू झाला आहे. पक्षाच्या पराभवाची जबाबदारी घेत राहुल गांधी यांनी अध्यक्षपदाचा राजीनामा देण्याचे ठरवले आहे. राहुल गांधींनी जरी अध्यक्षपद सोडण्याचा प्रस्ताव दिला असला तरी या निमित्ताने काँग्रेस पक्षाच्या उच्च स्तरावर कोणते बदल होतात हे देखील महत्त्वाचे ठरणार आहे.  

पक्षाने आता आणखी एक भूमिका जाहीर केली आहे. पुढील महिनाभर पक्षाचा कोणताही प्रवक्ता वृत्तवाहिन्यांवरील डिबेट शोमध्ये सहभागी होणार नाही, असा निर्णय काँग्रेसने जाहीर केला आहे. काँग्रेस नेते रणदीपसिंह सूरजेवाला यांनी याबाबत ट्वीट करून माहिती दिली आहे. पण हा निर्णय घेण्यामागे नेमकं कोणतं कारण आहे, हे मात्र काँग्रेसकडून अद्याप स्पष्ट करण्यात आलेलं नाही.

327 total views, 9 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे