गारगोटी (प्रतिनिधी) : भुदरगड तालुक्यातील ४३ ग्रामपंचायत निवडणूकीसाठी उमेदवारी अर्ज मागे घेण्याचा शेवटच्या दिवशी तालुक्यात ८५० सरपंच आणि सदस्य उमेदवारांनी आपली उमेदवारी मागे घेतली. आता तालुक्यात ४३ ग्रामपंचायतीसाठी सरपंच १०५ तर सदस्य पदासाठी ७०२ उमेदवार रिंगणात आहेत. तालुक्यातील कोळवण, अंतुर्ली, अनफ खुर्द, करडवाडी,पाल ग्रामपंचायती बिनविरोध झाल्या आहेत.
माघारीनंतर कांही गावामध्ये दुरंगी तर काही गावात तिरंगी लढतीचे चित्र स्पष्ट झाले आहे. वाघापूर, दारवाड, टिक्केवाडी, शेणगाव, मडीलगे खुर्द येथे तिरंगी लढत होणार आहे.
