मोदीजी, ये ना चालबे ! : शपथविधी सोहळ्याला उपस्थित राहण्यास दीदींचा नकार !

0 1

कोलकाता (वृत्तसंस्था) : पंतप्रधान नरेंद्र मोदी यांच्या शपथविधी सोहळ्याला अवघे काही तास बाकी राहिले असताना पश्चिम बंगालच्या मुख्यमंत्री ममता बॅनर्जी यांनी शपथविधी सोहळ्याला उपस्थित न राहण्याचा निर्णय घेतला आहे. हा सोहळा लोकशाहीचा उत्सव साजरा करण्याचा होता, परंतु एखाद्या राजकीय पक्षाला खालच्या स्तराचे दाखवण्याचा हा सोहळा नाही. कृपया मला माफ करा, अशा आशयाचे पत्र त्यांनी मोदी यांना पाठवले आहे.

ममता बॅनर्जी यांनी पत्रामध्ये सुरुवातीला पंतप्रधान नरेंद्र मोदी यांचे करून म्हटले आहे की, तुमच्या आमंत्रणाचा मी आधी स्वीकार केला होता आणि शपथविधी सोहळ्याला येण्याची तयारी देखील केली होती. परंतु प्रसारमाध्यमातील काही बातम्यांमध्ये मी असे पाहिले की, भाजपने त्या ५४ कार्यकर्त्यांच्या कुटुंबियांना शपथविधी सोहळ्याचे निमंत्रण दिले आहे, ज्यांची बंगालमध्ये राजकीय हत्या झाली होती. परंतु हे खोटे आहे. बंगालमध्ये कोणतीही राजकीय हत्या झालेली नाही. या हत्या वैयक्तीक वाद, कौटुंबिक लढाई आणि अन्य कारणांमुळे झाली आहे. याचा राजकारणाशी काहीही संबंध नाही आणि तशी नोंदही झालेली नाही. हा सोहळा लोकशाहीचा उत्सव साजरा करण्याचा होता, परंतु एखाद्या राजकीय पक्षाला खालच्या स्तराचे दाखवण्याचा नव्हे. सॉरी मोदीजी ! याच कारणामुळे मी शपथविधी सोहळ्याला उपस्थित राहू शकणार नाही.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More