Breaking News

 

 

कोल्हापुरात शुक्रवारी रिपब्लिकन सोशल फौंडेशनतर्फे चर्चासत्र : प्रा. शहाजी कांबळे

कोल्हापूर (प्रतिनिधी) : कोल्हापुरातील रिपब्लिकन सोशल फौंडेशनच्या वतीने शुक्रवार दि.३१ मे रोजी सायंकाळी पाच वाजता शाहू स्मारक भवन येथे सामाजिक प्रबोधनाप्रीत्यर्थ आंबेडकरी चळवळ, वर्तमान वाटचाल आणि दिशा या विषयावर चर्चासत्राचे आयोजन करण्यात आले आहे. तसेच सामाजिक व राजकीय चळवळीत योगदान देणारे संजय जिरगे यांचा सत्कारही होणार असल्याची माहिती फाऊंडेशनचे अध्यक्ष प्रा. शहाजी कांबळे यांनी आज (बुधवार) पत्रकार परिषदेत दिली.

कांबळे म्हणाले की, संघर्षाचे सूत्र निश्चित करण्यासाठी सामाजिक, राजकीय, विचारवंत अभ्यासकांच्या मदतीने आंबेडकरी चळवळीची दिशा ठरवण्यासाठी या चर्चासत्राचे आयोजन केले आहे. माजी मंत्री, आ. सतेज पाटील यांच्या हस्ते चर्चासत्राचे उद्घाटन होणार आहे. यावेळी संविधानाचे अभ्यासक प्राचार्य डॉ. हरीष भालेराव, डॉ. अच्युत माने मार्गदर्शन करणार आहेत. युवराज मालोजीराजे छत्रपती यांच्या हस्ते संजय जिरगे यांचा सत्कार होणार आहे. प्रा. शहाजी कांबळे अध्यक्षस्थान भूषवणार आहेत.

डॉ. गिरीश मोरे, प्रा. सुकुमार कांबळे, प्रा. विजय काळेबाग, डॉ. शरद गायकवाड, प्रा. डॉ. सर्जेराव पद्माकर, प्रा. डॉ. अमर कांबळे हे चर्चा सत्रात सहभागी होणार आहेत. रिपाई जिल्हाध्यक्ष उत्तम कांबळे, दादा लाड, मधुकर शिर्के, दिगंबर लोहार, बबन रानगे, रुपाताई वायदंडे, भगवान काटे, प्रा. विश्वास देशमुख आदी उपस्थित राहणार असल्याचे शहाजी कांबळे यांनी सांगितले.

यावेळी सुखदेव बुध्दाळकर, अविनाश अंबपकर, बाजीराव जैताळकर, दिलीप कोथळीकर, कुंडलीक कांबळे आदी उपस्थित होते.

129 total views, 3 views today

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा

गुन्हे