Breaking News

 

 

काश्मीरमध्ये चकमकीचे सत्र चालूच ; एक दहशतवादी ठार

श्रीनगर (वृत्तसंस्था) : जम्मू काश्मीरमधील कुलगाम जिल्ह्यात सुरक्षा जवान आणि दहशतवाद्यांमध्ये झालेल्या चकमकीत एक दहशतवादी ठार झाला आहे. कुलगाम जिल्ह्यातील ताझीपोरा गावात दहशतवादी लपले असल्याची माहिती मिळाल्यानंतर राष्ट्रीय रायफल्स, राज्य पोलिसांच्या स्पेशल ऑपरेशन्स ग्रुप आणि केंद्रीय राखीव पोलीस दलाने (सीआरपीएफ) परिसराला घेराव घालत सर्च ऑपरेशन सुरु केलं होते.

सूत्रांकडून मिळालेल्या माहितीनुसार, सुरक्षा दलांनी सर्च ऑपरेशनला सुरुवात केली होती. दहशतवादी लपले होते त्या घराजवळ सुरक्षा दल पोहोचताच दहशतवाद्यांनी गोळीबार सुरु केला. त्यानंतर चकमकीला सुरुवात झाली. अद्याप काही दहशतवादी लपले असून त्यांच्यासोबत सुरक्षा दलांची चकमक सुरु आहे.

दरम्यान सुरक्षेच्या कारणास्तव कुलगाम जिल्ह्यात इंटरनेट सेवा बंद करण्यात आली आहे. यादरम्यान जम्मूमध्ये दोन पाकिस्तानी नागरिकांना अटक करण्यात आली आहे. लष्कर तळाचे फोटो आणि व्हिडीओ काढत असल्याने त्यांना अटक करण्यात आली आहे. दोघांना पोलिसांकडे सोपवण्यात आले असून चौकशी सुरु आहे.

231 total views, 6 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे