Breaking News

 

 

पाकिस्तानकडून कारस्थाने सुरूच ; भारताविरोधात ‘प्रोजेक्ट हार्व्हेस्ट’

नवी दिल्ली (वृत्तसंस्था) : पाकिस्तानची गुप्तचर यंत्रणा आयएसआयने भारताविरोधात ‘प्रोजेक्ट हार्व्हेस्ट’ सुरु केली आहे. प्रोजेक्ट हार्व्हेस्ट अंतर्गत पंजाब आणि भारताच्या अन्य भागातील निवृत्त लष्करी अधिकारी आणि पोलिसांना लक्ष्य करण्यात येणार असल्याचे वृत्त मिळाले आहे. कॅनडा स्थित खलिस्तान चळवळीच्या कार्यकर्त्यांवर या प्रोजेक्ट हार्व्हेस्टची जबाबदारी सोपवण्यात आल्याची माहिती सूत्रांकडून मिळाली आहे.

पंजाबमध्ये पुन्हा एकदा फुटीरतेची बीजे रोवून हिंसाचार भडकवण्याची आयएसआयची योजना आहे. खलिस्तानच्या मागणीचे समर्थन करणाऱ्या शीख फॉर जस्टीसच्या हालचालींवर गुप्तचर यंत्रणांचे बारीक लक्ष आहे. खलिस्तान चळवळीमध्ये सहभागी होण्याची इच्छा असलेल्यांना शीख फॉर जस्टीसकडून विमान प्रवासाची मोफत तिकिटे दिली जात आहेत. एसएफजे आयएसआयच्या प्रोजेक्ट हार्व्हेस्टमध्ये सहभागी आहे का ? त्याचा सुद्धा यंत्रणांकडून तपास सुरु आहे. दरम्यान पठाणकोट रेल्वे स्टेशनच्या अधिक्षकांना एक पत्र मिळाले आहे. त्यात पठाणकोट शहर आणि कँट रेल्वे स्टेशन स्फोटामध्ये उडवून देण्याची धमकी देण्यात आली आहे.

पाकिस्तानातील ऐतिहासिक गुरूनानक महालाची तोडफोड करण्यात आल्याची खोटी बातमी पसरवण्यामागे शिखांच्या भावना भडकवण्याचा हेतू होता. यामागे आयएसआय असू शकते असे उच्चपदस्थ सूत्रांनी सांगितले. कर्तारपूर कॉरिडोअरचा आयएसआय आणि कट्टरपंथीय शीख संघटनांकडून गैरवापर होऊ शकतो अशी भिती पंजाबचे मुख्यमंत्री कॅप्टन अमरिंदर सिंग यांनी व्यक्त केली. ‘फुटीरतवादाला खतपाणी घालण्याची कुठलीही गोष्ट भारत अजिबात सहन करणार नाही’ असे पंतप्रधान नरेंद्र मोदी यांनी आधीच स्पष्ट केले आहे.

420 total views, 6 views today

2 thoughts on “पाकिस्तानकडून कारस्थाने सुरूच ; भारताविरोधात ‘प्रोजेक्ट हार्व्हेस्ट’”

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा