Breaking News

 

 

डॉ. दाभोलकर हत्याकांडातील दोन्ही आरोपींना १ जूनपर्यंत पोलीस कोठडी…

मुंबई (प्रतिनिधी) : अंधश्रद्धा निर्मूलन समितीचे अध्यक्ष डॉ. नरेंद्र दाभोलकर यांच्या हत्या प्रकरणात सीबीआयने  काल (शनिवार) मुंबईतून संजीव पुनाळेकर आणि विक्रम भावे या दोन आरोपींना अटक केली होती. आज (रविवार) दोन्ही आरोपींना सुट्टीकालीन जिल्हा व सत्र न्यायालय पुणे येथे हजर केले असता न्यायालयाने त्यांना १  जूनपर्यंत पोलीस कोठडी सुनावली आहे.

संजीव पुनाळेकर यांच्यावर दाभोळकर हत्याप्रकरणी पुरावे नष्ट करणे, आरोपींना मार्गदर्शन करण्याचे आरोप आहेत तर विक्रम भावेवर आरोपींना दाभोलकरांची ओळख करुन देणे, प्रत्यक्ष घटनास्थळाची रेकी करणे हे आरोप ठेवण्यात आले आहेत.  शरद कळसकरच्या जबाबानंतर दोघांना अटक करण्यात आली. संजीव पुनाळेकर मुंबई उच्च न्यायालयात वकील असून हत्याकांडातील आरोपींचेही ते वकील आहेत. पत्रकार गौरी लंकेश हत्या प्रकरणात आरोपींच्या जबानीतून पुनाळेकरचे नाव समोर आले होते. विक्रम भावे हा गडकरी रंगायतन स्फोटातील आरोपी आहे.

२०१३ पासून पाच वर्ष झाले डॉ. नरेंद्र दाभोलकर यांच्या हत्याकांडाच्या तपासात प्रगती होत नव्हती. मागच्यावर्षी केंद्रीय गुन्हे अन्वेक्षण विभाग सीबीआयने सचिन प्रकाशराव अंधुरे याला अटक केली होती. नालासोपारा स्फोटक प्रकरणात अटकेत असलेल्या शरद कळसकरच्या चौकशीतून सचिन अंधुरेचे नाव समोर आले. सचिन आणि शरद दोघे मित्र आहेत. एटीएसने औरंगाबादमधून सचिनला ताब्यात घेतले. त्याचा गुन्ह्यातील सहभाग समोर आल्यानंतर त्याला अटक करुन सीबीआयकडे सोपवण्यात आले आहे.

387 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग