Breaking News

 

 

भारतीय ‘ट्रेन १८’ च्या कोचेसना परदेशातून मागणी…

नवी दिल्ली (वृत्तसंस्था) : स्वदेशी बनावटीच्या असलेल्या  ट्रेन १८ च्या कोचेसची आता अन्य देशांनाही विक्री करण्यात येणार आहे. दक्षिण आशियाई आणि दक्षिण अमेरिकन देश या ट्रेनच्या खरेदीसाठी सकारात्मक असल्याची माहिती समोर आली आहे. भारतीय रेल्वे याबाबत एक योजना तयार करत असून या ट्रेनच्या कोचची देशातील मागणी पूर्ण झाल्यानंतरच अन्य देशांना कोचेस तयार करून देण्यात येतील असे रेल्वे बोर्डाचे सदस्य राजेश अग्रवाल यांनी माहिती दिली आहे.

सध्या इंटिग्रल कोट फॅक्टरीमध्ये ६० हजार कोचेस तयार करण्यात आले आहेत. तसेच येत्या काळात ४० ट्रेन १८ तयार करण्यात येणार आहेत. काही दक्षिण आशियाई आणि दक्षिण अमेरिकन देशांनी ट्रेन १८ चे कोचेस विकत घेण्यात रस दाखवला आहे. या ट्रेनची देशांतर्गत गरज पूर्ण झाल्यानंतरच त्यांच्या मागण्यांवर विचार करण्यात येणार असल्याचे अग्रवाल म्हणाले.

ट्रेन १८ ही देशातील पहिली स्वयंचलित ट्रेन आहे. गेल्या वर्षीच ही ट्रेन प्रवाशांच्या सेवेत रूजू झाली होती. सध्या नवी दिल्ली ते वाराणसीदरम्यान ही ट्रेन चालवण्यात येत आहे. प्रवाशांच्या सेवेत रूजू होण्यापूर्वी ट्रेन १८ चे नाव बदलून वंदे भारत एक्स्प्रेस करण्यात आले होते.

तसेच लवकरच ट्रेन १८ चे अपग्रेडेड व्हर्जन ट्रेन १९ प्रवाशांच्या सेवेत दाखल होणार आहे. यामध्ये स्लीपर कोच असतील. तसेच सध्या याच्या डिझाईन, डेव्हलपमेंट आणि निर्मितीवर काम सुरू असून याच वर्षी ती पूर्ण करण्यात येणार असल्याचे अग्रवाल म्हणाले.

618 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

देश-विदेश