Breaking News

 

 

राजीव गांधींंना काँग्रेससह पंतप्रधान मोदींचीही आदरांजली !

नवी दिल्ली (वृत्तसंस्था) : माजी पंतप्रधान राजीव गांधी यांची आज (मंगळवार) २९ वी पुण्यतिथी साजरी होत आहे. यानिमित्त काँग्रेस अध्यक्ष राहुल गांधी, सोनिया गांधी, प्रियांका गांधी आणि रॉबर्ट वाड्रा यांनी त्यांची समाधी असलेल्या वीरभूमीवर जाऊन त्यांना आदरांजली वाहिली आहे. माजी पंतप्रधान मनमोहन सिंग, माजी राष्ट्रपती प्रणब मुखर्जी हे या वेळी उपस्थित होते. पंतप्रधान मोदींनीही ट्विट करून त्यांना श्रद्धांजली वाहिली आहे. 

इंदिरा गांधी यांच्या हत्येनंतर १९८४ ते १९८९ पर्यंत राजीव गांधी यांनी पंतप्रधानपद सांभाळलं होतं. त्यांनी टेलिकॉम, आयटी, पंचायत राजसहित अन्य कित्येक क्षेत्रांमध्ये उल्लेखनीय योगदान दिले आहे. मतदाराचे वय कमी करण्याचा, डिजिटल इंडियाला चालना देण्याचा निर्णय राजीव गांधी यांनी घेतला होता.

श्रीलंकेतील तमिळ दहशतवाद संपवण्यासाठी त्यांनी श्रीलंकेत शांतिसेना पाठवली होती. त्याच तमिळ दहशतवाद्यांनी २१ मे, १९९१ रोजी तमिळनाडूतील श्रीपेरुंबुदूर येथे महिला सुसाईड बॉम्बरच्या साहाय्याने राजीव गांधी यांची हत्या केली होती. या हत्याकांडाचा सूत्रधार असलेला प्रभाकरन याचा २००९-१० मध्ये श्रीलंकन सैन्याने खात्मा केला होता.

540 total views, 9 views today

Leave a Reply

Your email address will not be published. Required fields are marked *

News Flash

अर्थ - उद्योग

देश-विदेश