Breaking News

 

 

दिल्लीत निकालांपूर्वीच महाआघाडीची चाचपणी…

नवी दिल्ली (वृत्तसंस्था) : निकालांपूर्वीच महाआघाडीची चाचपणी दिल्लीत सुरु झाली आहे. आंध्रप्रदेशचे मुख्यमंत्री बड्या नेत्यांच्या गाठीभेट घेत सुटले आहेत. आज (रविवार) दुसऱ्या दिवशीही त्यांनी हा गाठीभेटीचा सिलसिला कायम ठेवला आहे. त्यामुळे दिल्लीत निकालापूर्वीच सत्तेबाबत जुळवाजुळव होत असल्याच्या चर्चा झडत आहेत.

चंद्रबाबू नायडू २४ तासात दोनदा काँग्रेसचे अध्यक्ष राहुल गांधी आणि राष्ट्रवादीचे अध्यक्ष शरद पवार यांची भेट घेतली आहे. दिल्लीत आपने नेते आणि मुख्यमंत्री अरविंद केजरीवाल आणि कम्युनिस्ट नेते सिताराम येचूरी यांचीही भेट घेतली. दरम्यान, लोकसभेत कोणालाच बहुमत मिळणार नाही, अशी शक्यता गृहीत धरण्यात आली आहे. केंद्रातील मोदी सरकार सत्तेतून पाय उतार करण्यासाठी विरोधांकडून जोरदार मोर्चेबांधणी सुरु आहे.

तसेच या निवडणुकीत कोणत्याही पक्षाला बहुमत मिळाले नाही तर, सत्तास्थापनेचा दावा करता यावा आणि रणनीती ठरलेली असावी या उद्देशातून चंद्राबाबू नायडू यांनी भेटीगाठीचा वेग वाढवला आहे. आज चंद्रबाबू नायडू संयुक्त पुरोगामी आघाडीच्या अध्यक्षा सोनिया गांधी यांची सायंकाळी ५ वाजता भेट घेणार आहेत. यावेळी राष्ट्रवादी काँग्रेसचे अध्यक्ष शरद पवारही उपस्थित राहण्याची शक्यता आहे.

378 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे