Breaking News

 

 

कोतोलीतील यात्रेत चक्क अर्धनग्न बारबालांचे नृत्य !

कोतोली (प्रतिनिधी) : कोतोली (ता. पन्हाळा) येथे नुकतीच श्री हनुमान यात्रा पार पडली. या यात्रेमध्ये पोलीस बंदोबस्त असतानाही गावातील मंडळातर्फे अर्धनग्न बारबालांच्या नृत्याचा कार्यक्रम झाल्याचा धक्कादायक प्रकार घडला आहे. याबाबतचा  व्हिडिओ जिल्ह्यामध्ये व्हायरल झाला आहे. या प्रकाराबाबत अद्याप पन्हाळा पोलिसांनी कोणतीच कारवाई केलेली नाही.

सदरच्या मंडळाने पोलिसांबरोबर आर्थिक व्यवहार करून या गोष्टीकडे दुर्लक्ष केले असल्याचा आरोप गावातील काही तरुण मंडळाने केला आहे. सामाजिक संस्कृती बाजूला ठेवून हुल्लडबाज करणाऱ्या या तरुणांवर पन्हाळा पोलिसांनी कारवाई करणार का, अशी विचारणा गावांमधून होऊ लागली आहे.

एकीकडे डॉल्बी बंदी तर दुसरीकडे कै. माजी उपमुख्यमंत्री आर. आर. पाटील यांनी केलेला बारबाला डान्सवरील बंदी ही पोलिसांच्या कृपाशीर्वादाने पुन्हा पन्हाळा तालुक्यामध्ये फोफावत असल्याचे चित्र दिसून येत आहे. सामाजिक संस्कृती बाजूला ठेवून आधुनिक संस्कृती जोपासणाऱ्यांवर पोलिस कारवाई करणार का, याकडे जिल्हा पोलीसप्रमुख यांनी लक्ष घालावे अशी मागणी गावकऱ्यांकडून होऊ लागली आहे.

7,509 total views, 3 views today

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा

गुन्हे