Breaking News

 

 

‘इंदिरा गांधींप्रमाणे माझीही हत्या होऊ शकते…’

नवी दिल्ली (वृत्तसंस्था) : बाष्कळ आणि बेछूट आरोप करण्यात दिल्लीचे मुख्यमंत्री अरविंद केजरीवाल पटाईत आहेत. पंतप्रधान नरेंद्र मोदी माझी हत्या घडवून आणू शकतात, असा आरोप त्यांनी यापूर्वी केला होता. आता तर त्यांनी ‘ज्या प्रकारे माजी पंतप्रधान इंदिरा गांधींची हत्या त्यांच्याच सुरक्षारक्षकाने केली होती, त्याचप्रमाणे मला सुरक्षा देणारे पोलीस अधिकारीच माझी हत्या करू शकतात’, अशी भीती ‘पंजाब केसरी’ या वर्तमानपत्राला दिलेल्या मुलाखतीत व्यक्त केली आहे. त्यामुळे दिल्लीच्या राजकीय वर्तुळात खळबळ उडाली आहे.

माझ्या सुरक्षेसाठी देण्यात आलेले पोलीस अधिकारी हे नरेंद्र मोदींच्या आदेशानुसार काम करतात. त्यामुळे ज्याप्रमाणे इंदिरा गांधींची हत्या त्यांच्या सुरक्षा रक्षकाने केली होतीच त्याप्रमाणे माझीही हत्या हे अधिकारी करू शकतात. माझ्या जीवन-मरणामध्ये केवळ दोन मिनिटांचे अंतर आहे, असा दावा केजरीवाल यांनी केला आहे. 

आप दिल्लीतील सातही जागांवर बहुमताने विजयी झालं असतं. पण शेवटच्या दिवशी मुस्लिम समाजाने काँग्रेसला मतदान केलं. त्यामुळे ‘आप’ला आता सातही जागा जिंकता येणार नाहीत अशी खंतही यावेळी केजरीवाल यांनी व्यक्त केली आहे. या मतविभाजनाचा फायदा भाजपला होण्याचीही दाट शक्यता वर्तवली जात आहे. त्यामुळे दिल्लीतील सात जागांपैकी कोणत्या पक्षाला किती जागा मिळतात हे पाहणं महत्त्वाचं ठरणार आहे.

1,199 total views, 3 views today

One thought on “‘इंदिरा गांधींप्रमाणे माझीही हत्या होऊ शकते…’”

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा