Breaking News

 

 

भाजपच्या वाचाळ नेत्यांना अमित शहांकडून नोटीस

नवी दिल्ली (वृत्तसंस्था) : नथुराम गोडसे आणि म. गांधी यांच्याबद्दल वादग्रस्त वक्तव्ये करणाऱ्या भाजपच्या वाचाळ नेत्यांविरुद्ध पक्षाध्यक्ष अमित शाह यांनी आक्रमक पवित्रा घेतला आहे. भोपाळच्या उमेदवार साध्वी प्रज्ञासिंह ठाकूर, केंद्रीय राज्यमंत्री अनंतकुमार हेगडे, खासदार नलीनकुमार कातील यांना या प्रकरणी नोटीस बजावलीय. शिस्तपालन समितीनं या तीनही नेत्यांकडून दहा दिवस उत्तर मागवलंय.

नथूराम गोडसेबाबत साध्वी प्रज्ञासिंह ठाकूर, नलिनकुमार कटील आणि अनंतकुमार हेगडे यांनी केलेली विधाने  वैयक्तिक विधानं असून त्याचा पक्षाशी संबंध नाही. या नेत्यांनी आपापली वक्तव्य मागे घेत माफीनामा सादर केला असला तरी या तीनही नेत्यांकडून पक्ष उत्तर मागणार आहे आणि १० दिवसांच्या आत पक्षाला आपला अहवाल सादर करेल, असंही अमित शहा यांनी म्हटलंय. 

साध्वी प्रज्ञा सिंह ठाकूर हिच्या ‘नथुराम गोडसे’ वादग्रस्त वक्तव्यानंतर केंद्रातील मोदी सरकारमधील मंत्री अनंत कुमार हेगडे यांच्या सोशल मीडिया अकाऊंटवरून साध्वीची पाठराखण करण्यात आली होती. आता मात्र अनंत कुमार हेगडे यांनी आपलं सोशल मीडिया अकाऊंट हॅक झाला असून ‘ते’ ट्विट आपण केलं नसल्याचा दावा केलाय. 

372 total views, 6 views today

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा