Breaking News

 

 

भारतीय लोकशाहीतील ‘हा’ काळा दिवस : रणदीप सुरजेवाला

नवी दिल्ली (वृत्तसंस्था) : हिंसाचाराच्या पार्श्वभूमीवर निवडणूक आयोगाने पश्चिम बंगालमध्ये आज (गुरुवार) रात्रीपासून प्रचारबंदी लागू केली आहे. या निर्णयावर मायावती आणि ममता बॅनर्जीं पाठोपाठ आता काँग्रेसनेही हरकत घेतली आहे. निवडणूक आयोगाने निवडणूक संहितेच्या कलम १४ आणि २१चे उल्लंघन केले आहे. १६ मे हा भारतीय लोकशाहीच्या इतिहासातील काळा दिवस ठरला आहे अशी टीका काँग्रेस प्रवक्ते रणदीप सुरजेवाला यांनी आज (गुरुवार) सकाळी दिल्लीत पत्रकार परिषदेत केली.

कोलकाता येथे भाजप आणि तृणमूल काँग्रेसच्या कार्यकर्त्यांनी प्रचंड हिंसाचार केला. या पार्श्वभूमीवर निवडणूक आयोगाने आचारसंहितेच्या एक दिवस आधीच प्रचारबंदीचा लागू करण्याचे निर्देश दिले आहेत.

निवडणूक आयोगाने संविधानाच्या कलम ३२४ चा गैरवापर केला आहे. कोणत्याही स्वतंत्र लोकशाहीत अशा प्रकारचा पक्षपातीपणा करणे स्वीकारार्ह नाही. हा भारतीय लोकशाहीतील काळा दिवस आहे,  असा आरोप काँग्रेस प्रवक्ते रणदीप सुरजेवाला यांनी आज सकाळी दिल्लीत पत्रकार परिषदेत केला आहे.  निवडणूक आयोगाने निवडणूक संहितेच्या कलम १४ आणि २१ चे उल्लंघन केलं आहे. तसेच सर्वांना समान संधी देण्याचा संविधानिक अधिकारही काढून घेतला आहे. हे अन्याय आहे’ अशी टीकाही त्यांनी केली आहे.


396 total views, 6 views today

Leave a Reply

Your email address will not be published. Required fields are marked *

News Flash

अर्थ - उद्योग

आरोग्य

 

क्रीडा

गुन्हे