कुरुंदवाड (प्रतिनिधी) : शिरोळ तालुक्यातील श्री क्षेत्र नृसिंहवाडी येथील नदीपात्रात बुडणार्या दोन भाविकांना वाचविण्यात वजीर रेस्क्यू फोर्सच्या जवानांना यश आले आहे.
नृसिंहवाडी येथे कर्नाटक राज्यातील हुबळी येथील संजय कदम व त्यांचा मुलगा सागर कदम दत्त दर्शनास आले होते. दर्शनाअगोदर कृष्णा नदीत अंघोळीसाठी ते गेले होते. यावेळी नदीच्या पाण्याचा अंदाज न आल्याने ते दोघे नदीत बुडू लागले. यावेळी तिथे उपस्थित असलेले वजीर रेस्क्यू फोर्सचे जवान शिवा सोनार यांनी तत्काळ नदीत उडी मारुन बुडणार्या बाप-लेकाचा जीव वाचविला. यावेळी अमोल निकम, प्रवीण कांबळे यांनी बुडणार्या दोघांना वर काढण्यास मदत केली.
