Breaking News

 

 

बेरोजगारीचा दर अंशतः कमी : ‘या’ क्षेत्रात मोठ्या प्रमाणावर नोकऱ्या उपलब्ध !

नवी दिल्ली (वृत्तसंस्था) : मागील काही वर्षांपासून आयटी क्षेत्रावर असलेले मंदीचे सावट दूर होऊ लागले आहे. त्यामुळे या क्षेत्रातील आघाडीच्या कंपन्यांमध्ये मोठ्या प्रमाणात रोजगार उपलब्ध झाले आहेत. विशेषतः टीसीएस अर्थात टाटा कन्सल्टिंग सर्व्हिसेस आणि इन्फोसिस या कंपन्यांमध्ये मोठ्या प्रमाणात नोकऱ्या उपलब्ध झाल्या आहेत. या क्षेत्रात आपले कौशल्य दाखवणाऱ्या तरुणांना आकर्षक वेतन देण्यात येत असल्याने बेरोजगारीचा दर काही प्रमाणात कमी झाला आहे, असे वृत्त इकॉनॉमिक टाइम्सने दिले आहे.

सध्या मोठ्या आयटी कंपन्यांमध्ये नोकरीसाठी जोरदार भरती सुरू आहे. टीसीएस आणि इन्फोसिस यांसारख्या मोठ्या कंपनीत नोकरीसाठी जागा जलद भरतेय. दोन्ही कंपनींमध्ये गेल्या आर्थिक वर्षात अनेक नोकऱ्या उपलब्ध झाल्यात. हायरिंगमध्ये मागील वर्षाच्या तुलनेत ३०० टक्के वाढ झालीय. इकॉनॉमिक टाइम्सनुसार, आयटी क्षेत्रात अनेक कंपन्या कर्मचाऱ्यांना अपेक्षित कौशल्य न दिसल्यानं काढून टाकतेय. कंपन्या नवी नोकरी देताना उमेदवारात नव्या जमान्याच्या कौशल्याची अपेक्षा ठेवतं. देशातल्या ४ सर्वोत्कृष्ट कंपन्यांमधली नोकर भरती मागील ८ वर्षांपेक्षा सर्वाधिक आहे.

टाटा कन्सल्टिंग सर्विसेस, इन्फोसिस, विप्रो आणि एचसीएल टेक्नॉलॉजीस या कंपन्यांमध्ये हायरिंग वाढलीय. या चार कंपन्यांमध्ये मार्च २०१९ पर्यंत एकूण ९.६ लाख कर्मचारी आहेत. एक वर्षांपूर्वीच्या तुलनेत ही वाढ सुमारे ९ टक्के आहे. या कंपन्यांच्या मिळकतीमध्येही वाढ होत आहे. त्यामुळे आयटी क्षेत्राला ‘अच्छे दिन’ आले आहेत, असे म्हणावयास हरकत नाही.

Leave a Reply

Your email address will not be published. Required fields are marked *

अर्थ - उद्योग

आरोग्य

 

क्रीडा