कोल्हापूर (प्रतिनिधी) : कोल्हापुराामधील पर्यटकांची वाढती संख्या लक्षात घेऊन आणि भविष्याच्या दृष्टीने विचार करून नवीन अद्ययावत असे संभाजीनगर बसस्थानकाचे विस्तारीकरण करण्यात येत आहे. या बसस्थानकात सुरू असलेल्या कामाची पाहणी आज आमदार सतेज पाटील यांनी केली. यावेळी सुरू असलेल्या कामाचा आढावा घेतला आणि त्यांना पुढील कामकाजासंदर्भात सूचना त्यांनी दिल्या.
संभाजीनगर येथे ९ कोटी ८० लाख रुपये खर्चून अद्ययावत बसस्थानक उभारण्यात येत आहे. संभाजीनगर बसस्थानकाच्या आवारात राज्य परिवहन विभागाचे कोल्हापूर विभागीय कार्यालय असणार आहे. तसेच ११ नवीन प्लॅटफॉर्म, कँटीन, हिरकणी कक्ष, पार्सल विभाग, स्त्री-पुरुष विश्रांतीगृह, स्वच्छतागृह, मेडिकल दुकाने, खाद्य पदार्थ दुकाने आणि इतर साहित्याची दुकाने उभारण्यात येणार आहेत.
यावेळी आमदार ऋतुराज पाटील, माजी नगरसेवक शारंगधर देशमुख, सचिन चव्हाण, मधुकर रामाणे, आदिल फरास, सुयोग मगदूम, दिग्विजय मगदूम, देवेंद्र सरनाईक, अशोक वाली, दत्ता बामणे, एस. आर. जाधव, यासीन पैलवान, किरण भोसले, परिवहन अभियंता मनोज लिंग्रज, यंत्र अभियंता यशवंत कानतोडे, विभागीय अधिकारी शिवराज जाधव, सुधीर भातमारे, आगार व्यवस्थापक उत्तम पाटील, बसस्थानक प्रमुख सागर पाटील, संदीप दड्डी, हर्षवर्धन तायवाडे, एस. एन. पोवार व भागातील नागरिक उपस्थित होते.