Breaking News

 

 

वादग्रस्त वक्तव्यामुळे कमल हसनवर एफआयआर

नवी दिल्ली (वृत्तसंस्था) : अभिनयाकडून राजकारणाकडे वळलेल्या कमल हसन यांनी अरवाकुरीची येथे केलेल्या वादग्रस्त वक्तव्यामुळे चांगलेच महागात पडले आहे. स्वतंत्र भारताचा पहिला दहशतवादी हा हिंदूच होता, असे वक्तव्य करत हसन यांनी सर्वांचे लक्ष वेधलं होते. याच वक्तव्यामुळे त्यांच्याविरोधात करुर पोलिसात एफआयआर दाखल करण्यात आली आहे. 

‘पीटीआय’च्या २९५ अ अन्वये त्यांच्यावर गुन्हा दाखल करण्यात आला आहे. धार्मिक भावना दुखावणे आणि विविध समुदायांमध्ये शत्रुत्व निर्माण करण्याचा गुन्हा त्यांच्यावर दाखल करण्यात आल्याची माहिती पोलिसांनी दिली आहे.

करुर पोलिसांनी पत्रकात म्हटले आहे की, हसन यांच्यावर तातडीने कारवाई करण्याची मागणी करण्यात आली आहे. धर्म, जात आणि भाषेच्या मुद्दयावरुन हिंसा भडकवू पाहणाऱ्यांविरोधात तातडीने कारवाई व्हावी अशीही मागणी करण्यात आली आहे.  दिल्ली न्यायालयातही हसन यांच्याविरोधात तक्रार दाखल करण्यात आली होती.

198 total views, 3 views today

Leave a Reply

Your email address will not be published. Required fields are marked *

News Flash

आरोग्य

देश-विदेश

 

क्रीडा