Breaking News

 

 

काश्मीरमध्ये हिंसाचार : ४७ जवान जखमी

जम्मू-काश्मीर (वृत्तसंस्था) : बांदीपोरा बलात्कार प्रकरणानंतर काश्मीरमध्ये हिंसाचार उसळला आहे. ठिकठिकाणी सुरक्षा दलांवर दगडफेक करण्यात आली आहे. यामध्ये सुरक्षा दलाचे ४७ जवान जखमी झाले. बलात्कार करणाऱ्या आरोपीला फाशीचीच शिक्षा करण्यात यावी अशी मागणी जोर धरु लागली आहे.

बांदीपोरा येथे दोन दिवसांपूर्वी तीन वर्षांच्या मुलीवर एका नराधमाने बलात्कार केला. या घटनेनंतर काश्मीरमध्ये संतापाची लाट उसळली. अनेक ठिकाणी कडक बंद पाळण्यात आला. मुली या काही खेळणं नाही अशा आशयाचे बॅनर्स झळकवण्यात आले आहेत. पोलिसांनीही हा खटला फास्ट ट्रॅक कोर्टात चालवणार असल्याची माहिती दिली आहे.

बारामुल्ला, बांदीपोरा, कुपवाडा, श्रीनगर, गांदरबल आणि अनंतनाग येथे अजूनही हिंसाचार सुरू आहे. स्थानिक शिक्षण संस्था काही वेळासाठी बंद करण्यात आल्या आहेत. आरोपीचे वय लपवल्याप्रकरणी संबंधित शाळेच्या प्राचार्यांना जेरबंद करण्यात आले आहे. 

324 total views, 9 views today

Leave a Reply

Your email address will not be published. Required fields are marked *

News Flash

आरोग्य

देश-विदेश

 

क्रीडा