सह्याद्रि हॉस्पिटल्सतर्फे कोल्हापूरात शनिवारी मोफत यकृत तपासणी शिबिर…

कोल्हापूर (प्रतिनिधी) : जागतिक यकृत दिनानिमित्त (१९ एप्रिल) औचित्य साधून सह्याद्री हॉस्पिटलतर्फे मोफत यकृत तपासणी शिबिराचे आयोजन करण्यात आल्याची माहिती यकृत प्रत्यारोपण तज्ञ डॉ.बिपिन विभूते  यानी आज (सोमवार) पत्रकार परिषदेत दिली.

डॉ.विभूते म्हणाले,  हे शिबिर शनिवार (दि.१८) अंतरंग हॉस्पिटल, न्यू पॅलेस रोड, कोल्हापूर येथे सकाळी ११ ते दुपारी ३ या कालावधीत होणार आहे. यकृताचे आजार आणि समस्यांचे वेळेत निदान होवून उपचार झाल्यास अनेक रुग्णांना जीवदान मिळेल. त्यासाठी जनजागृतीची गरज घेवून सह्याद्री हॉस्पिटलतर्फे मे, जून, जुलै या कालावधीत कोल्हापूरात मोफत यकृत तपासणी शिबिरांचे आयोजन केले जाणार आहे.  देशात यकृताचे आजार हे चिंतेचे व काळजी करण्यासारखी आहे.

बदलती आणि व्यस्त जीवनशैली, खाण्या-पिण्याच्या चुकीच्या सवयी आणि व्यसने ही यकृताच्या आजारांचे प्रमुख कारणे आहेत. शहरासह   ग्रामीण भागातही यकृताच्या आजाराचे प्रमाण वाढते आहे. त्यामुळे लोकांनी या शिबिराला भेट देऊन तपासणी करून घ्यावी, असे आवाहनही डॉ. विभूते यांनी केले.

यावेळी यकृताच्या आजारांना यशस्वी लढा दिलेल्या अन्वर मुश्रीफ,सुनिल पाटील, प्रतिक दारिबे,सुजय चव्हाण,सतिश दारिबे,संग्राम चव्हाण यांचा लिव्हर चॅम्पियन्स म्हणून सन्मान करण्यात आला.  

यावेळी डॉ.अभिजित माने, डॉ.अनिरूध्द भोसले तसेच अंतरंग हॉस्पिटलचे व्यवस्थापकीय डॉ.आदित्य कुलकर्णी उपस्थित होते.

136 total views, 3 views today

Leave a Reply

Your email address will not be published. Required fields are marked *

News Flash

देश-विदेश

 

क्रीडा

Follow by Email
Facebook
YouTube
YouTube
Instagram