नवज्योत सिद्धू यांची ‘या’मुळेच बोलती बंद

नवी दिल्ली (वृत्तसंस्था) : काँग्रेस नेते आणि पंजाब सरकारमधील मंत्री नवज्योत सिंग सिद्धू यांनी लोकसभा निवडणुकीदरम्यान वादग्रस्त वक्तव्य करून वाद ओढवून घेतला. पंतप्रधान नरेंद्र मोदी आणि भाजपवर आक्षेपार्ह वक्तव्य केल्यामुळे त्यांना नोटीसही मिळाली. निवडणुकीच्या शेवटच्या टप्प्यामध्ये मात्र सिद्धू यांची बोलती बंद झाली आहे. यामागे त्यांच्या स्वरयंत्राला इजा झाल्याने त्यांना डॉक्टरांनी सक्तीचा आराम सांगितला आहे.

नवज्योत सिंग सिद्धू यांच्या कार्यालयाद्वारे आज (सोमवारी) एक परिपत्रक प्रसिद्ध करण्यात आले आहे. लोकसभा निवडणुकीदरम्यान सातत्याने प्रचारसभांना संबोधित केल्यामुळे नवज्योत सिंग सिद्धू यांच्या स्वरयंत्राला (व्होकल कॉर्ड्स) इजा झाली आहे. त्यामुळे त्यांच्यावर औषधोपचार सुरू आहे. सिद्धू सध्या उपचार घेत आहेत आणि लवकरच निवडणूक प्रचारासाठी उपलब्ध होतील, असे या पत्रकात नमूद करण्यात आले आहे.

दरम्यान, पंजाबमधील प्रचार शिगेला पोहोचला असतानाच सिद्धूची बोलती बंद झाल्याने काँग्रेसला नुकसान होण्याची शक्यता आहे.

156 total views, 3 views today

Leave a Reply

Your email address will not be published. Required fields are marked *

News Flash

देश-विदेश

 

क्रीडा

Follow by Email
Facebook
YouTube
YouTube
Instagram