एका चुकीमुळे महिला लखपती…

वॉशिंग्टन (वृत्तसंस्था) :  माणसाची एक लहानशी चूक त्याला महागात लागते. मात्र, अमेरिकेत एका महिलेच्या चुकीने तिला लक्षाधीश बनवले आहे. मिशिगनच्या एंटोइनेट औसली या महिलेने मुलाची जन्मतारीख आणि वय यांच्या आकड्यांवरून लॉटरीचे तिकीट विकत घेतले. मात्र, तिकीट घेताना मुलाच्या वयाचे तिचे गणित चुकले. त्या चुकीमुळे तिला चक्क ५४ लाखांची लॉटरी लागली आहे.

एंटोइनेट औसलीने मिशिगनमधील प्रसिद्ध लॉटरी कंपनीचे तिकीट खरेदी केले. दरवेळी त्या मुलाची जन्मतारीख आणि वय यांच्या आकड्यानुसार तिकीट खरेदी करतात. यावेळी त्यांनी तसेच तिकीट खरेदी केले. मात्र, यावेळी मुलाच्या वयाचे त्यांचे गणित चुकले आणि त्यांनी २० ऐवजी १९ क्रमांकाचे तिकीट खरेदी केले.

लॉटरीच्या निकालाच्या दिवशी त्यांनी काही लोकांकडून लॉटरीबाबतची चर्चा ऐकली. त्यामुळे लॉटरीच्या अॅपवर जाऊन त्यांनी निकाल पाहिला. त्यावेळी त्यांना तब्बल ५४ लाख रुपये लागले होते. हे तिकीट खेरदी करताना आपण मुलाच्या वयाच्या चुकीचा अंक टाकला होता. या चुकीनेच आपल्याला लॉटरी लागल्याचे औसली यांनी सांगितले.

207 total views, 3 views today

Leave a Reply

Your email address will not be published. Required fields are marked *

News Flash

देश-विदेश

 

क्रीडा

Follow by Email
Facebook
YouTube
YouTube
Instagram