Breaking News

 

 

आमच्यासोबत भेदभाव करू नका : राहुल गांधी

नवी दिल्ली (प्रतिनिधी) : काँग्रेस अध्यक्ष राहुल गांधी यांनी आचारसंहितेचा भंग केल्याप्रकरणी निवडणूक आयोगाने बजावलेल्या नोटीसीला उत्तर दिले आहे. लोकसभा निवडणुकीच्या प्रचारादरम्यान काँग्रेस पक्ष आणि आपल्याकडून कोणत्याही प्रकारे आचारसंहितेचा भंग झाला नसल्याचे राहुल गांधी यांनी स्पष्ट केले आहे. तसेच काँग्रेस पक्षासोबत भेदभाव करू नये अशी विनंती देखील त्यांनी यावेळी केली आहे.

वादग्रस्त विधान करून आचारसंहितेचा भंग केल्याप्रकरणी बजावलेल्या नोटीसीला राहुल गांधी यांनी ११ पानांचे उत्तर सादर केले आहे. “मी काँग्रेस पक्षाचा स्टार प्रचारक असल्यामुळे माझ्या विरोधात केलेल्या तक्रारी केवळ प्रचारात अडथळा निर्माण करण्यासाठीच केलेल्या आहेत. भाषणामध्ये मोदी सरकारच्या कामकाजावर टीका करणे म्हणजे आचारसंहितेचा भंग होत नाही”. असे राहुल गांधी यांनी आपल्या उत्तरात म्हटले आहे.

राहुल गांधी यांनी मध्य प्रदेशातल्या शहडोल येथील प्रचार सभेत “मोदी सरकार एक असा कायदा आणणार आहे, ज्या कायद्यानुसार आदिवासींना गोळ्या घातल्या जाऊ शकतील, तसेच ते तुमची जमीन आणि जंगल ताब्यात घेतील” असे वक्तव्य केले होते. या वक्तव्यावरून निवडणूक आयोगाने त्यांना नोटीस बजावली होती.

318 total views, 3 views today

Leave a Reply

Your email address will not be published. Required fields are marked *

News Flash

अर्थ - उद्योग

देश-विदेश